ថៃពង្រឹងភាសាអង់គ្លេសដល់សិស្សបឋម ដើម្បីប្រកួតប្រជែងទីផ្សារការងារ
- 2016-06-06 17:27:46
- ចំនួនមតិ 0 | ចំនួនចែករំលែក 0
ថៃពង្រឹងភាសាអង់គ្លេសដល់សិស្សបឋម ដើម្បីប្រកួតប្រជែងទីផ្សារការងារ
ចន្លោះមិនឃើញ
ថៃនឹងពង្រឹងជំនាញភាសាអង់គ្លេសដល់ប្រព័ន្ធអប់រំក្នុងប្រទេស ពីថ្នាក់បឋមសិក្សាក្នុងខែវិច្ឆិកាខាងមុខនេះ។ នេះបើយោងតាមសារព័ត៌មាន Bangkok Post ។
អនុរដ្ឋមន្ត្រីក្រសួងអប់រំថៃ លោក Teerakiat Jareonsettasin បានឲ្យដឹងថា នៅតាមសាលារដ្ឋក្រោមការដឹកនាំរបស់ការិយាល័យអប់រំ នឹងត្រូវបង្រៀនភាសាអង់គ្លេសដល់សិស្សរយៈពេល៥ម៉ោងក្នុងមួយសប្ដាហ៍ ឬ២០០ម៉ោងក្នុងមួយឆមាស។
តាមសារព័ត៌មាន Bangkok Post ក្រោមគម្រោងថ្មីនោះ សិស្សបឋមសិក្សាពីថ្នាក់ទី១ដល់ទី៣ នឹងផ្ដោតសំខាន់លើជំនាញស្នូល៤សំខាន់ៗគឺ ស្ដាប់ និយាយ អាន និងសរសេរ។ ចំពោះការសិក្សាភាសាអង់គ្លេសនោះ សិស្សបឋមសិក្សាថៃនឹងរៀនតាមប្រព័ន្ធអ៊ីនធឺណិត និង Appsមួយចំនួនផងដែរ។
លោកអនុរដ្ឋមន្ត្រី Teerakiat បានឲ្យដឹងថា គោលដៅថ្មីខាងលើ នឹងធ្វើឲ្យភាសាអង់គ្លេសរបស់សិស្សប្រសើរឡើង ដែលអាចឲ្យពួកគេត្រៀមខ្លួនរួចរាល់ក្នុងការប្រកួតប្រជែងទីផ្សារការងារអន្តរជាតិនាពេលខាងមុខ។
យោងតាមរបាយការណ៍ចំណាត់ថ្នាក់ របស់ស្ថាប័ន EF Education First ថៃត្រូវបានចាត់ថ្នាក់ជាប្រទេសមិននិយាយភាសាអង់គ្លេសមួយ ដែលមានជំនាញភាសាអង់គ្លេសខ្សោយក្នុងចំណាត់ថ្នាក់លេខ១៤នៃ១៦ប្រទេសក្នុងទ្វីបអាស៊ី និង ចំណាត់ថ្នាក់លេខ៦២ក្នុងនៃ៧០ប្រទេសក្នុងពិភពលោក៕
ចុចអាន៖ សៀវភៅថៃមានរូបតារាសិចជប៉ុន ត្រូវមន្ត្រីអប់រំប្រកាសប្រមូលមកវិញ
ប្រែសម្រួល៖ មាន រតនា ប្រភព៖ bangkokpost
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
