លោកយាយ៦៧ឆ្នាំលេងហ្គីតាច្រៀងជាភាសាអង់គ្លេសល្បីពេញ Facebook

2016-06-08 13:15:12
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកយាយ Malinda Herman មកពីទីក្រុងបាងកក បានធ្វើឲ្យអ្នកលេងបណ្ដាញសង្គម Facebookចាប់អារម្មណ៍ជាខ្លាំង បន្ទាប់ពីច្រៀងបទ "Why do I love you so" របស់តារាចម្រៀងអាមេរិក Johnny Tillotso អមដោយការលេងហ្គីតាយ៉ាងពីរោះ។

ត្រឹមមកដល់ពេលនេះ វីដេអូរបស់លោកយាយមានអ្នកចូលទស្សនាជាង៥លានដងហើយ។ លោកយាយ Malinda ដែលមានអាយុ៦៧ឆ្នាំនិងជាកូនកាត់ថៃ សិង្ហបុរីនិងYugoslav ធ្លាប់ជាអ្នកចម្រៀងយុវវ័យជាច្រើនឆ្នាំ មុនពេលលោកយាយពិការភ្នែកខាងឆ្វេងដោយសារគ្រោះថ្នាក់ដ៏ធ្ងន់ធ្ងរមួយ។ តន្ត្រីគឺជាផ្នែកមួយដែលជួយឲ្យលោកយាយមានអាយុវែង។

លោកយាយសំឡេងពីរោះរូបនេះបានប្រាប់ Morning News ថា គាត់ស្រឡាញ់ចម្រៀងតាំងពីឆ្នាំ១៩៦០-១៩៧០មកម្ល៉េះ ហើយតារាចម្រៀងដែលលោកយាយចូលចិត្តមាន Elton John និង The Carpenters។ ទាក់ទងនឹងការបង្ហោះវីដេអូចម្រៀងដែលទទួលការចាប់អារម្មណ៍ខ្លាំង លោកយាយបាននិយាយថា គ្រាន់តែចង់បង្ហាញវាទៅកាន់មិត្តភ័ក្ដិ ហើយឆ្មាចិញ្ចឹមរបស់លោកយាយពេញចិត្តណាស់ ពេលដែលលោកយាយលេងហ្គីតា៕