ភ្លៀងមួយមេធំ បាក់ដើមឈើសង្កត់ឡាននៅ RUPP
- 2016-06-08 21:05:55
- ចំនួនមតិ 0 | ចំនួនចែករំលែក 0
ភ្លៀងមួយមេធំ បាក់ដើមឈើសង្កត់ឡាននៅ RUPP
ចន្លោះមិនឃើញ
វេលាម៉ោងជិត១ ថ្ងៃនេះ ភ្លៀងបានធ្លាក់យ៉ាងខ្លាំងនៅរាជធានីភ្នំពេញ លាយឡំជាមួយខ្យល់កន្ត្រាក់ផង បណ្ដាលឲ្យរលំបាក់ដើមឈើនៅខាងក្រោយអគារ DMC សាកលវិទ្យាល័យភូមិន្ទភ្នំពេញ។ រថយន្ត និងម៉ូតូមួយចំនួនបានរងការខូចខាតយ៉ាងដំណំ។
តាមព្យាករណ៍អាកាសធាតុប្រចាំសប្ដាហ៍របស់ក្រសួងធនធានទឹក និងឧតុនិយម បានបង្ហាញថា ប្រទេសកម្ពុជាកំពុងទទួលឥទ្ធិពលពីខ្យល់មូសុងនិរតី ដែលលក្ខណៈបែបនេះនឹងបង្កឲ្យមានភ្លៀងធ្លាក់រាយប៉ាយទូទាំងប្រទេស ហើយក៏សុំឲ្យមានការប្រុងប្រយ័ត្នខ្ពស់ផងដែរ។
រដូវវស្សាបានឈានចូលមកដល់ហើយ(ចាប់ពីខែឧសភា ដល់តុលា) ប៉ុន្តែឯកឧត្ដម ច័ន្ទ យុត្ថា អ្នកនាំពាក្យក្រសួងធនធានទឹក និងឧតុនិយម ធ្លាប់បានបញ្ជាក់ប្រាប់ Sabay ថា នៅដើមខែកក្កដា និងសីហា ទើបកម្ពុជាមានភ្លៀងធ្លាក់ខ្លាំង៕