Coutinho ស៊ុតហ៊ែតទ្រីក ជួយប្រេស៊ីល ឈ្នះហៃទី ៧-១ នៅ Copa America
- 2016-06-09 16:24:12
- ចំនួនមតិ 0 | ចំនួនចែករំលែក 0
Coutinho ស៊ុតហ៊ែតទ្រីក ជួយប្រេស៊ីល ឈ្នះហៃទី ៧-១ នៅ Copa America
ចន្លោះមិនឃើញ
Philippe Coutinho តារាឆ្នើមក្រុមហង្សក្រហម Liverpool បានស៊ុតហ៊ែតទ្រីក (៣គ្រាប់ម្នាក់ឯង) ជួយឲ្យក្រុមជម្រើសជាតិប្រេស៊ីល ឈ្នះហៃទី ៧-១ ក្នុងការប្រកួតសន្សំពិន្ទុពូល B ពានរង្វាន់ Copa America 2016 អម្បាញ់មិញនេះ។
Philippe Coutinho អបអរ ក្រោយស៊ុតចូលទី
ប្រេស៊ីល ដែលស្មើ ០-០ ទល់នឹងអេក្វាឌ័រ កាលប្រកួតដំបូង មិនឲ្យអ្នកគាំទ្ររបស់ខ្លួនអស់សង្ឃឹមទៀតទេ ដោយលត់ហៃទីយ៉ាងចាស់ដៃ។ ៧គ្រាប់របស់ក្រុមសាំបាមួយនេះ ស៊ុតដោយ Coutinho ៣គ្រាប់នាទី (១៤, ២៩, ៩០+២), Renato Augusto ២គ្រាប់នាទី (៣៥, ៨៦), Gabriel នាទី៥៩ និង Lucas Lima នាទី៦៩។ រីឯហៃទី រកបាន១គ្រាប់ដោយ James Marcelin នាទី៧០។
លទ្ធផលនេះមានន័យថា ហៃទីបានធ្លាក់ត្រឹមវគ្គចែកពូលនេះហើយ បន្ទាប់ពីចាញ់២ប្រកួត ខណៈដែលប្រកួតដំបូង ពួកគេបានចាញ់ប៉េរូ ១-០។ រីឯប្រេស៊ីល នៅមិនទាន់ជាប់ទៅវគ្គបន្តនៅឡើយទេ ដោយមាន៤ពិន្ទុ និងត្រូវប៉ះប៉េរូ នៅប្រកួតបន្ទាប់៕
ប្រែសម្រួល៖ វិន ជីវ័ន្ត ប្រភព៖ dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
