សងជំងឺចិត្ត៦,៣លានដុល្លារ ក្រោយកាត់ទោសច្រឡំឲ្យជាប់គុក ២៧ឆ្នាំ

2016-06-09 18:51:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសកាណាដាម្នាក់ បានជាប់ពន្ធនាគាររយៈពេល ២៧ឆ្នាំ បន្ទាប់ពីរងការចោទប្រកាន់មិនត្រឹមត្រូវពីបទចាប់រំលោភច្រើនករណី តែត្រូវបានគេសងជំងឺចិត្តវិញចំនួន៦,៣លានដុល្លារអាមេរិក នៅថ្ងៃពុធ ទី៨មិថុនា ម្សិលមិញ។

ជនរងគ្រោះជាប់ពន្ធនាគារទាំងអយុត្តិធម៌នេះមានឈ្មោះ Ivan Henry អាយុ ៦៩ឆ្នាំ ត្រូវបានគេចោទប្រកាន់រំលោភ ១០ករណី លើស្ត្រី៨នាក់ នៅចន្លោះឆ្នាំ ១៩៨១ និង១៩៨២ តែត្រូវបានសើរើឡើងវិញក្នុងឆ្នាំ ២០១០។

ក្នុងបណ្ដឹងរបស់ជនរងគ្រោះ ប្រធានចៅក្រមតុលាការកំពូលប្រចាំខេត្ត Bristish Columbia ប្រទេសកាណាដា លោក Christopher Hinkson និយាយថាព្រះរាជអាជ្ញាជាច្រើនរូប មិនបានបង្ហាញភស្តុតាងសំខាន់ៗឡើយ ដែលជាការរំលោភសិទ្ធិជនរងគ្រោះយ៉ាងធ្ងន់ធ្ងរក្នុងសវនាការ។

ចៅក្រមដដែលបញ្ជាក់ថា ភស្តុតាងពាក់ព័ន្ធ មិនបានរកឃើញឡើយ ដូចជាសេចក្ដីថ្លែងការណ៍សាក្សី កោសល្យវិច័យ រួមទាំងស្នាមក្រយៅដៃ និងឧបករណ៍នានានៅកន្លែងកើតហេតុ។

ការទើបរកឃើញថាតុលាការកាត់ក្ដីមិនត្រឹមត្រូវនេះ គឺដោយសារមានបុរសអ្នកប្រព្រឹត្តពិតប្រាកដចូលខ្លួនសារភាពការរំលោភចំនួន ៣ករណី និងសុខចិត្តជាប់គុក តែបានស្លាប់មិនយូរប៉ុន្មាន៕

ចុចអាន៖ ការកម្សាន្តមើលបាតសមុទ្រដំបូងគេនៅខ្មែរយើងទេ តិចច្រឡំថាស្រុកគេទៅ !

ចុចអាន៖ តាអាយុ៨៥ឆ្នាំ ជួបគូស្នេហ៍វិញ ក្រោយបែកគ្នា៥៨ឆ្នាំ ដោយការយល់ច្រឡំ

ចុចអាន៖ ចិនដាក់ពិន័យមន្ត្រី ២៧រូប ក្រោយកាត់ទោសប្រហារជីវិតយុវជនម្នាក់ច្រឡំ

ប្រែសម្រួល៖ ឡេង ភារុណ ប្រភព៖ Malaymailonline