តារា ៣ ដួងមានផលិតផលដាក់ឈ្មោះខ្លួនឯងជា Brand name

2016-06-10 13:26:23
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នមានតារាៗជាច្រើនបានហក់ចូលវិស័យជំនួញដើម្បីពង្រឹងហិរញ្ញវត្ថុ ក្រៅពីអាជីពសិល្បៈរបស់ពួកគេ។ ក្នុងនោះ ក៏មានសិល្បករខ្មែរខ្លះ បានវិវត្តន៍ខ្លួនជាអ្នកនាំចូលផលិតផល និងបានដាក់ឈ្មោះខ្លួននៅលើនោះជា Brand name ទៀតផង។ តើមានតារាណាខ្លះ?

១.គង់ ចាន់ស្រីមុំ និង គឹម សីហា៖ ស្រីស្អាត គង់ ចាន់ស្រីមុំ មានជំនួញធំពីរ មួយ គឺទឹកអប់ម៉ាកជាឈ្មោះនាងតែម្ដង ហើយបានប្រកាសពីកាលពីថ្ងៃកំណើតគម្រប់វ័យ ២៥ ឆ្នាំនាង ដែលបានប្រើដើមទុន១០ម៉ឺនដុល្លារ និងមួយទៀតគឺក្រែមលាបមុខ។ ចំណែកស្វាមីនាងក៏មានម៉ាកទឹកអប់ជាឈ្មោះផ្ទាល់ខ្លួនដែរ។

២.អេឡិច ចាន់ត្រា៖ មិនខុសពីមិត្តរួមអាជីពស្រីខាងលើ អេឡិច ចាន់ត្រា ក៏មានទឹកអប់ដែលមានឈ្មោះលោកនៅលើផលិតផលនោះដែរ។

រូបភាព៖Facebook អេឡិច ចាន់ត្រា

៣.លី ច័ន្ទសីហា៖ លី ច័ន្ទសីហា ធ្លាប់ប្រាប់ Sabay ថាខ្លួនកំពុងឈរឈ្មោះជា ប្រ៊េន (Brand) ផ្ទាល់ខ្លួនលើជំនួញទីពីរបន្ទាប់ពីជំនួញទីមួយផ្នែកសម្អាងការដំណើរការបានរយៈពេល៥ឆ្នាំ។ ជំនួញថ្មីនោះ គឺការនាំចូលផលិតផលថែរក្សាសម្ផស្សមកពីកូរ៉េ និងថៃ ដែលផលិតផលនោះជាប្រភេទ ហ្វូមលាងមុខ និង ប៊ីប៊ីគ្រីម ដែលមានឈ្មោះថា SH (អេស អេច) ដែលមកពីពាក្យពេញ SeyHa (សីហា)។ ចំណែកឯទីតាំងវិញ សីហា មិនទាន់ច្បាស់នៅឡើយ តែផលិតផលទាំងអស់ស្តុកនៅក្នុងក្រុមហ៊ុនបងប្រុសរបស់នាងសិន ទម្រាំនាងរត់ការជាមួយក្រសួងរួចរាល់ទើបអាចបញ្ជាក់ពីទីតាំង ច្បាស់៕