ជឿអត់ រូបគំនូរសខ្មៅបែបនេះគេដាក់ក្នុងតម្លៃជិត២,៥លានដុល្លារ?
- 2016-06-12 18:03:59
- ចំនួនមតិ 0 | ចំនួនចែករំលែក 0
ជឿអត់ រូបគំនូរសខ្មៅបែបនេះគេដាក់ក្នុងតម្លៃជិត២,៥លានដុល្លារ?
ចន្លោះមិនឃើញ
វិចិត្រករម្នាក់មកពីភាគខាងត្បូងនៃទីក្រុង Yala ប្រទេសថៃឈ្មោះ Pinid Kaewklaeye បានក្លាយជាប្រធានបទក្ដៅ បន្ទាប់ពីលោកបានដាក់លក់រូបគំនូរលើអនឡាញ ដោយកំណត់តម្លៃលក់៨៨លានបាត (ជិត២,៥លានដុល្លារ) ។
លើបណ្ដាញសង្គម Facebook Pinid បានសរសេរថា៖ "ខ្ញុំចាប់ផ្ដើមស្វែងយល់ពីអត្ថន័យនៃគំនូរ ពេលដែលខ្ញុំរៀននៅអនុវិទ្យាល័យ ព្រោះតែខ្ញុំធ្លាប់ជួប quote មួយដែលគេនិយាយថា 'វាមិនមានអ្វីសំខាន់ទេ អ្វីដែលខ្ញុំយកមកតាមខ្លួនលើពិភពលោកនេះ ប៉ុន្តែជាអ្វីដែលខ្ញុំនឹងបង្ហាញវាមកក្រៅ"។
“ខ្ញុំមិនយល់អំពី quote ខាងលើទេ។ ដំបូង ខ្ញុំបានស្រាវជ្រាវអត្ថន័យរបស់វា។ ខ្ញុំបានសាកសួរមនុស្សជាច្រើននិងស្រាវជ្រាវក្នុងបណ្ណាល័យ។ បន្ទាប់មកខ្ញុំក៏បានដឹងអត្ថន័យនោះមានន័យថា ខ្ញុំត្រូវតែធ្វើរឿងអ្វីឲ្យបានច្រើននិងបង្ហាញឲ្យពិភពលោកជាមួយនឹងទ្រព្យសម្បត្តិ"។ Pinid បន្ថែម។
សម្រាប់រូបមួយផ្ទាំង Pinid ត្រូវចំណាយពេលអស់៦ឆ្នាំ។ សាកសួរពីអត្ថន័យនៃគំនូរ លោកបាននិយាយថា អត្ថន័យបានរាយរាប់នៅខាងក្រោយរូប ហើយមនុស្សណាដែលទិញវា នោះគេនឹងអាចដឹងពីអត្ថន័យ។ នេះមិនមែនជាលើកទី១ឡើយដែល Pinid Kaewklaeye ដាក់លក់គំនូរថ្លៃបែបនេះទេ កាលពីឆ្នាំ១១៩៦ គេបានដាក់លក់រូបមួយផ្ទាំងតាមផ្លូវក្នុងតម្លៃ១៩លានបាត(ជាង៥០ម៉ឺនដុល្លារ)៕
ចុចអាន៖សិស្សក្មេងៗឡើងចុះភ្នំកម្ពស់ ៨០០ម៉ែត្រទៅរៀន នឹងទទួលបានជណ្ដើរថ្មី
ប្រែសម្រួល៖ ហេង សុធារិទ្ធិ ប្រភព៖ coconuts