លោកតា៦០ឆ្នាំក្លាយជាម៉ូដែល ដោយសារពុកចង្កា

2016-06-14 16:33:10
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យចូលនិវត្តន៍ជនជាតិបារាំងម្នាក់បានសម្រេចក្ដីស្រមៃរបស់ខ្លួនក្លាយជាតារាម៉ូដែលទាំងមិននឹកស្មាន បន្ទាប់ពីបង្ហោះរូបភាពនៅលើអ៊ីនធឺណិត។

តាមសារព័ត៌មាន Daily Mail បុរសចំណាស់ ឈ្មោះ Philippe Dumas មកពីទីក្រុងប៉ារីសបានសម្រេចក្ដីស្រមៃក្លាយជាតារាម៉ូដែលល្បីវ័យ ៦០ឆ្នាំកាលពីខែធ្នូ ឆ្នាំ២០១៥កន្លងទៅ បន្ទាប់ពីរូបភាពរបស់លោកបង្ហោះនៅលើបណ្ដាញរូបភាព Imgur ទទួលការគាំទ្រខ្លាំង។

ចំពោះអ្វីដែលធ្វើឲ្យបុរសវ័យ៦០ឆ្នាំនោះទាក់ទាញចំណាប់អារម្មណ៍អ្នកចូលមើលប្រមាណជាង៣សែននាក់ គឺដោយសារតែរូបរាងសង្ហា និងពុកចង្ការបស់លោក។ យ៉ាងណាក្ដី លោកDumas ខ្លួនឯងផ្ទាល់សឹងមិនជឿថារូបភាពរបស់ទទួលការចាប់អារម្មណ៍នោះទេ។

ដោយមានការគាំទ្រច្រើន លោក Dumas ត្រូវបានក្រុមហ៊ុនសំលៀកបំពាក់និងគ្រឿងសម្អាងអាល្លឺម៉ង់ទាក់ទងសុំឲ្យធ្វើជាម៉ូដែលសម្រាប់ផ្សព្វផ្សាយផលិតផល។ មុនពេលចូលប្រលូកក្នុងការងារជាតារាដើរម៉ូដ បុរសជនជាតិបារាំងវ័យ៦០ឆ្នាំនេះ ជាអតីតអ្នកធ្វើការក្នុងវិស័យភាពយន្តបារាំងជាង២០ឆ្នាំផងដែរ៕