Dempsey ជួយឲ្យអាមេរិក ឡើងវគ្គ៤ក្រុម Copa America មុនគេ
- 2016-06-17 17:52:08
- ចំនួនមតិ 0 | ចំនួនចែករំលែក 0
Dempsey ជួយឲ្យអាមេរិក ឡើងវគ្គ៤ក្រុម Copa America មុនគេ
ចន្លោះមិនឃើញ
ក្រុមម្ចាស់ផ្ទះអាមេរិក បានកក់កៅអីឡើងទៅវគ្គ៤ក្រុមចុងក្រោយ ពានរង្វាន់ Copa America 2016 មុនគេហើយ បន្ទាប់ពីឈ្នះអេក្វាឌ័រ ២-១ នៅវគ្គ៨ក្រុម អម្បាញ់មិញនេះ។
Clint Dempsey (លេខ៨) អបអរ ក្រោយតែតចូលទី
Clint Dempsey អតីតខ្សែប្រយុទ្ធក្រុម Fulham និងក្រុម Tottenham Hotspur ជាអ្នកតែតគ្រាប់ទី១ ឲ្យអាមេរិកនាំមុខ ១-០ មុននៅនាទី២២ មុនពេលមិត្តរួមក្រុមរបស់គេ Jermaine Jones ទទួលកាតក្រហមនៅនាទី៥២ និង Antonio Valencia របស់អេក្វាឌ័រ ក៏ទទួលកាតក្រហម នៅនាទី៥២ (លឿង២ដង) ដូចគ្នា។
Gyasi Zardes ខ្សែប្រយុទ្ធក្រុម LA Galaxy រកគ្រាប់ទី២ ឲ្យអាមេរិកនៅនាទី៦៥ មុនពេល Michael Arroyo ស៊ុតបំបែកពងមាន់ឲ្យអេក្វាឌ័របាន១គ្រាប់វិញ នៅនាទី៧៤។ ដូច្នេះ ក្នុងនាមជាម្ចាស់ផ្ទះ អាមេរិកពិតជាមិនខកបំណងឡើយ ដោយអាចឡើងទៅវគ្គ Semi-Finals មុនគេ រង់ចាំ៣ក្រុមផ្សេងទៀត ដែលនឹងប្រកួតនៅថ្ងៃបន្តបន្ទាប់ខាងមុខ៕
ដោយ៖ វិន ជីវ័ន្ត រូបថត៖ twitter/CA2016