បារាំង ឬស្វីស ជាក្រុមលេខ១ក្នុងពូល A យប់នេះ?

2016-06-19 22:23:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិបារាំងនឹងត្រូវប្រឈមមុខជាមួយស្វីសក្នុងការប្រកួតពានអឺរ៉ូ វេលាម៉ោង ២រំលងអធ្រាត្រ ដើម្បីស្វែងរកថានរណាជាក្រុមលេខ១ក្នុងពូល A។

ពូល A បច្ចុប្បន្នគឺបារាំងស្ថិតនៅលើគេ ក្រោយប្រកួត២ ឈ្នះ២ មាន៦ពិន្ទុខណៈស្វីស ២ប្រកួតឈ្នះ ១ ស្មើ១ មាន៤ពិន្ទុ។ ដូច្នេះប្រកួតបិទឆាកក្នុងពូលយប់នេះចាំមើលនរណានឹងក្លាយជាក្រុមលេខ១ ក្នុងពូលពិតប្រាកដ?

ប្រវត្តិជួបគ្នា និងស្ថិតិ

បារាំង និងស្វីស ស្ថិតនៅពូលជាមួយគ្នាក្នុងពានរង្វាន់ធំៗ ៤លើកមកហើយរាប់ទាំងអឺរ៉ូលើកនេះផង (អឺរ៉ូ ២០០៤, World Cup ២០០៦, World Cup ២០១៤ និងអឺរ៉ូ ២០១៦)។

៣ប្រកួតនៅពានធំៗ បារាំងមិនដែលចាញ់ស្វីសនោះទេ ក្នុងនោះពួកគេឈ្នះ ស្វីសនៅអឺរ៉ូ ២០០៤, ឈ្នះនៅ World Cup ២០១៤ និងស្មើគ្នា World Cup ២០០៦។

ជ័យជម្នះរបស់ស្វីសលើបារាំងចុងក្រោយបំផុតគឺកាលពីឆ្នាំ ១៩៩២។ តាំងពីពេលនោះមកស្វីសមិន ដែលឈ្នះបារាំងដែលជាក្រុមប្រទេសក្បែរខាងគ្នាម្ដងណាទេ។

សម្ដីគ្រូបង្វឹក៖

លោក Didier Deschamps គ្រូបង្វឹកបារាំង៖ "ខ្ញុំអាចនឹងប្ដូរកីឡាករខ្លះ ព្រោះកីឡាករទាំងអស់សុទ្ធតែមានសមត្ថភាព ប៉ុន្តែខ្ញុំនឹងរើសយកកីឡាករណាដែលធានាថាពួកយើងនឹងអាចបញ្ចប់ក្នុងតំណែងជាក្រុមលេខ១ ក្នុងពូល”។

លោក Vladimir Petković គ្រូបង្វឹកស្វីស៖ “ពួកយើងមិនបានគិតពីលទ្ធផលចាញ់បារាំង ៥-២ កាលពី World Cup ២ឆ្នាំមុននោះទេ។ អ្វីដែលយើងខ្វល់ខ្វាយគឺពេលបច្ចុប្បន្ន។ យើងចង់បង្ហាញប្រាប់បារាំងថា យើងអាចលេងបានដូចជាពួកគេដែរ ហើយដំណែងលេខ១ក៏អាចជារបស់យើង”។

ជើងកីឡាករ៖

សម្រាប់បារាំងគ្មានបញ្ហារឿងកីឡាករនោះទេ ដូច្នេះជម្រើស១១នាក់របស់ពួកគេអាចជា៖ Lloris; Sagna, Rami, Koscielny, Evra/Digne; Pogba, Cabaye, Matuidi/Sissoko; Griezmann, Gignac និងPayet។

ដោយឡែកស្វីសក៏មិនមានបញ្ហាកីឡាករដូចគ្នា។ ជម្រើស១១នាក់របស់ពួកគេអាចជា៖ Sommer; Lichtsteiner, Schär, Djourou, Rodríguez; Behrami, Džemaili, Xhaka; Shaqiri, Seferović, Mehmedi។

ព្យាករណ៍គូនេះគឺ៖ បារាំង ៣-១ ស្វីស, ចុះប្រិយមិត្តគិតយ៉ាងណាដែរ?

*យប់នេះក៏មាន១គូទៀតលេងផងដែរគឺ៖