ឥណ្ឌូណេស៊ីជួបគ្រោះបាក់ដី ស្លាប់និងបាត់ខ្លួន ៥០នាក់ថ្ងៃនេះ
- 2016-06-19 22:54:53
- ចំនួនមតិ 0 | ចំនួនចែករំលែក 0
ឥណ្ឌូណេស៊ីជួបគ្រោះបាក់ដី ស្លាប់និងបាត់ខ្លួន ៥០នាក់ថ្ងៃនេះ
ចន្លោះមិនឃើញ
ឥណ្ឌូណេស៊ី ជួបគ្រោះធម្មជាតិទឹកជំនន់ និងបាក់ដីគួរឲ្យខ្លាចនៅខេត្ត Central Java ភាគខាងលិចប្រទេស ដោយបានសម្លាប់មនុស្ស ២៤នាក់ និងកំពុងបាត់ខ្លួន ២៦នាក់ផ្សេងទៀត។ នេះបើតាមការឲ្យដឹងរបស់មន្ត្រីជាន់ខ្ពស់របស់ភ្នាក់ងារគ្រប់គ្រងគ្រោះមហន្តរាយ បានថ្លែងប្រាប់នៅថ្ងៃអាទិត្យនេះ។
ជនរងគ្រោះភាគច្រើនរស់នៅស្រុក Purworejo, Banjarnegara , Kebumen និង Sutopo Purwo Nugroho ដែលបណ្ដាលឲ្យផ្ទះរាប់សិបខ្នងរងការខូចខាត បណ្ដាលមកពីបាក់ដីសង្កត់ និងផ្ទះរាប់ពាន់ខ្នងទៀតត្រូវទឹកជនលិច។ ចំណែក ផ្លូវជាច្រើនខ្សែត្រូវដីបាក់សង្កត់ពីលើថែមទៀត។
នៅរសៀលនេះ ក្រុមសង្គ្រោះ កំពុងដុតដៃដុតជើងបើកប្រតិបត្តិការជួយប្រជាជនហើយ ដូចជាជម្លៀស និងស្វែងរកអ្នកបាត់ខ្លួន។ គ្រោះថ្នាក់គួរឲ្យរន្ធត់នេះ បានកើតឡើងដោយសារមានភ្លៀងធ្លាក់ខ្លាំងតាំងពីថ្ងៃសៅរ៍ និងបណ្ដាលឲ្យដីបាក់តែម្ដង។
ចុចអាន៖ អ្នកនេសាទឥណ្ឌូណេស៊ីចាប់បានត្រីយក្សទម្ងន់១៥០០គីឡូ
ចុចអាន៖ ឥណ្ឌូណេស៊ី ធ្វើរថយន្ត Bugatti ពីឈើម៉ៃសាក់ ឡូយអស់ស្ទះ!
ប្រែសម្រួល៖ ឡេង ភារុណ ប្រភព៖ Rappler
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
