បារាំងស្មើគ្នាជាមួយស្វីសខណៈ អាល់បានីឈ្នះ រ៉ូម៉ានី ១-០

2016-06-20 11:25:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតវគ្គសន្សំពិន្ទុពូល A បានចប់សព្វគ្រប់ហើយនាពេលអម្បាញ់មិញ ដែលម្ចាស់ផ្ទះបារាំង បានត្រឹមស្មើគ្នា ០-០ ប៉ុណ្ណោះជាមួយប្រទេសក្បែរខាងស្វីស។

ការប្រកួតនេះគេសង្កេតឃើញថាបារាំងដែលកក់កៅអីទៅវគ្គ១៦ក្រុម ចុងក្រោយ បានរក្សាទុកកីឡាករសំខាន់ៗមួយចំនួនរបស់ខ្លួន និងផ្តល់ឱកាសដល់កីឡាករដែលមិនទាន់បានលេងជាជម្រើសដំបូង។

មួយ គូទៀតអាល់បានីបានយកឈ្នះរ៉ូម៉ានី១-០ ដើម្បីឡើងទៅចំណាត់ថ្នាក់លេខ៣។ ១គ្រាប់របស់ ក្រុមដែលទើបឡើងមកអឺរ៉ូលើកដំបូងស៊ុតបញ្ចូលទីដោយកីឡាករ Armando Sadiku នៅនាទី៤៣ ជាជ័យជម្នះទីមួយក្នុងប្រវត្តិសាស្ត្ររបស់ពួកគេនៅអឺរ៉ូ។

តារាង ពិន្ទុផ្លូវការនៅក្នុងពូល A នៅពេលនេះ បារាំង ឈរលេខ១មាន៧ពិន្ទុ, ស្វីសឈរលេខ២ មាន៥ ពិន្ទុ អាចឈានទៅវគ្គបន្ត ហើយលេខ៣ អាល់បានីត្រូវរង់ចាំផ្ទៀងផ្ទាត់ជាមួយលេខ៣ គូផ្សេងទៀត ដើម្បីអាចដឹងថាខ្លួនអាចប្រកួត Play Off ឡើងទៅវគ្គបន្តឬអត់ ខណៈរ៉ូម៉ានីត្រូវវេចខោអាវទៅផ្ទះវិញ៕