ភ្លៀងធ្លាក់ដូចគេហែកមេឃ អ្នកស្លាប់កើន៣៥នាក់ នៅឥណ្ឌូណេស៊ី
- 2016-06-20 18:00:34
- ចំនួនមតិ 0 | ចំនួនចែករំលែក 0
ភ្លៀងធ្លាក់ដូចគេហែកមេឃ អ្នកស្លាប់កើន៣៥នាក់ នៅឥណ្ឌូណេស៊ី
ចន្លោះមិនឃើញ
ទឹកជំនន់យ៉ាងគំហុក បង្កឲ្យរអិលបាក់ដីនៅខេត្តភាគកណ្ដាល ប្រទេសឥណ្ឌូណេស៊ី បានសម្លាប់មនុស្សយ៉ាងតិច ៣៥នាក់ និងផ្ទះជាច្រើនខ្នងរងការខូចខាត។ នេះបើតាមក្រុមរុករកបានប្រកាសឲ្យដឹង។
គ្រោះទឹកជំនន់ កើតមានដោយសារភ្លៀងធ្លាក់ពីរថ្ងៃជាប់គ្នាឥតឈប់កាលពីថ្ងៃសៅរ៍ និងអាទិត្យម្សិលមិញនេះ បានប៉ះពាល់ខ្លាំងនៅខេត្ត Central Java ដោយផ្ទះរាប់ពាន់ខ្នងត្រូវលិច ខូចខាត និងប្រជាជនជាច្រើនគ្មានទីជម្រក។
ជនរងគ្រោះស្លាប់ដោយសារបាក់ដី បាក់ផ្ទះសង្កត់ មានចំនួន ៣៥នាក់ បាត់ខ្លួន២៥នាក់ និងរងរបួស ១៤នាក់។ នេះបើតាមអ្នកនាំពាក្យភ្នាក់ងារគ្រោះមហន្តរាយលោក Sutopo Purwo Nugroho។ តំបន់រងគ្រោះអាក្រក់ជាងគេបំផុតគឺស្រុក Purworejo នៅឆ្នេរភាគខាងត្បូងខេត្ត Java ដោយមានអ្នកស្លាប់ ១៩នាក់។ ចំណែកទំហំនៃការខូចខាតទាំងអស់មិនទាន់មានប្រភពណាបញ្ជាក់អះអាងនៅឡើយទេ៕
ចុចអាន៖ ១០ឆ្នាំក្រោយរលកស៊ូណាមី ឥណ្ឌូណេស៊ីស្ដារមុខមាត់យ៉ាងរហ័ស
ចុចអាន៖ ស្ត្រីឥណ្ឌូណេស៊ី ត្រូវគេធ្វើតេស្តព្រហ្មចារី មុនក្លាយជាប៉ូលិស
ប្រែសម្រួល៖ ឡេង ភារុណ ប្រភព៖ Channel Newsasia