ស្ពានពោងឆ្លងទៅកោះ កំពុងទាក់ទាញទេសចរខ្លាំងនៅអ៊ីតាលី
- 2016-06-21 16:47:17
- ចំនួនមតិ 0 | ចំនួនចែករំលែក 0
ស្ពានពោងឆ្លងទៅកោះ កំពុងទាក់ទាញទេសចរខ្លាំងនៅអ៊ីតាលី
ចន្លោះមិនឃើញ
សំណង់ស្ពានពោងអណ្ដែតទឹកនៅភាគខាងជើងប្រទេសអ៊ីតាលី បង្កើតឡើងដោយអ្នកជំនាញការខាងស្ពាន សញ្ជាតិអាមេរិកដើមកំណើតប៊ុលហ្គារី បានបើកស្វាគមន៍សាធារណជនចូលទស្សនានាពេលថ្មីៗនេះ និងទទួលបានការគាំទ្រខ្លាំង។
តាមសារព័ត៌មាន Daily Mail ភ្ញៀវទេសចររាប់ពាន់នាក់បានសម្រុកទៅលេងលើស្ពានពោងអណ្ដែតលើទឹកបឹង Iseo ដែលឆ្លងពីភូមិ Sulzano ទៅកាន់កោះតូច Monte Isola និងឆ្លងទៅភូមិSan Paolo ។
សំណង់ស្ពានខាងលើមានឈ្មោះថា “The Floating Piers “ ដែលបានចំណាយថវិកាសរុប១៦,៧ លានដុល្លារ។ ស្ពានពោងនោះត្រូវបានសង់ភ្ជាប់គ្នាពីបំពង់គីបបួនជ្រុង និងគ្របពីលើដោយក្រណាត់ពណ៌ទឹកក្រូច។
ភ្ញៀវទេសចរប្រមាណជាង ៥៥០០០ពាន់នាក់បានព្យាយាមចូលទៅដើរទស្សនានៅលើស្ពានពោង Floating Piers ក្នុងឱកាសថ្ងៃទី១នៃការសម្ពោធកាលពីថ្ងៃសៅរ៍កន្លងទៅ។ ទោះជាយ៉ាងណា ដោយសារតែចំនួនមនុស្សច្រើនបែបនោះ ក្រុមអ្នករៀបចំស្ពានបានកំណត់ចំនួនមនុស្សត្រឹមកម្រិតមួយដែលស្ពានអាចទ្រាំទ្របានប៉ុណ្ណោះ៕
ចុចអាន៖ បើកឡានទឹកឆ្លងស្ពានចំណាស់ មានអីបាក់ខ្ទេច!
ប្រែសម្រួល៖ មាន រតនា ប្រភព៖ dailymail