តារា ៤រូប កំពុងជាប់ពាក់ព័ន្ធរឿងប្ដឹងផ្ដល់
- 2016-06-21 21:22:57
- ចំនួនមតិ 0 | ចំនួនចែករំលែក 0
តារា ៤រូប កំពុងជាប់ពាក់ព័ន្ធរឿងប្ដឹងផ្ដល់
ចន្លោះមិនឃើញ
សិល្បករកម្ពុជាមួយចំនួនពាក់ព័ន្ធទៅនឹងរឿងប្ដឹងផ្ដល់ ដោយមូលហេតុផ្សេងៗគ្នា ស្របពេលមានករណីខ្លះតុលាការកំពុងដំណើរការនីតិវិធី ហើយករណីខ្លះទៀតនៅមិនទាន់ដំណើរការនៅឡើយ។
ប៉ែន ចំរ៉ុង និង ភិន សុដាលីស៖ តារាសម្ដែង និងជាពិធីកររូបនេះបានដាក់ពាក្យប្ដឹងលែងលះ ភិន សុដាលីស ផ្អើលពិភពសិល្បៈកាលថ្ងៃទី២៩ខែមេសាកន្លងទៅ ខណៈមូលហេតុពិតប្រាកដ ភាគីទាំងសងខាងមិនបានទម្លាយឱ្យដឹងឡើយ។ អ្នកទាំងពីរធ្លាប់ត្រូវបានចៅក្រមសាលាដំបូងរាជធានីភ្នំពេញហៅទៅសម្របសម្រួលតាមនីតិវិធីកាលពីថ្ងៃទី១២ ខែឧសភា ២០១៦ កន្លងទៅ។
តារាចម្រៀង ខេម៖ សំណុំរឿងគ្រោះថ្នាក់ចរាចរណ៍ពាក់ព័ន្ធទៅនឹងតារាចម្រៀង ខេម ដែលកើតឡើងកាលពីថ្ងៃ ១៨ ខែឧសភាកន្លងទៅនោះ តុលាការនៅមិនទាន់ចាត់ការតាមនីតិវិធីនៅឡើយទេ ទោះបីជាសមត្ថកិច្ចបានកសាងសំណុំរឿងបញ្ជូនដល់ដៃតុលាការហើយក្ដី។ ដោយឡែកកន្លងមកមានការចុះផ្សាយថា ភាគីអ្នកស្លាប់យល់ព្រមទទួលសំណង ៤ ០០០ ដុល្លារពីតារាចម្រៀងរូបនេះហើយ។
ម៉ៅ សុចាន់ធី ជាមួយលោក រតនៈ វិបុល ៖ អតីតតារាសម្ដែងជើងចាស់រូបនេះ បានដាក់ពាក្យប្ដឹងលោក រតនៈ វិបុល ជាតារាសម្ដែងដូចគ្នាពីបទ"ជេរប្រមាថ និងគំរាមបាញ់សម្លាប់" ធ្វើឡើងកាលពីថ្ងៃទី១៣ ខែមិថុនាកន្លងទៅ។ ភ្លាមៗសាលាដំបូងខេត្តបាត់ដំបង បានកោះហៅភាគីចុងចោទមកសាកសួរផងដែរ។ ដើម្បីសម្រួលស្ថានការណ៍ ថ្មីៗនេះលោក រតនៈ វិបុល ចេញវីដេអូសុំទោសចំពោះអ្នកនាង ម៉ៅ សុចាន់ធី ជាសាធារណៈ ដើម្បីបញ្ចប់រឿង៕
អត្ថបទ៖ សំ ជំនាញ