បុគ្គលិកក្រុមហ៊ុនមួយនាំគ្នាចុះជួសជុល និងលាបថ្នាំសាលាបឋមសិក្សារបោះអង្កាញ់

2016-06-22 18:18:31
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃសៅរ៍ សប្ដាហ៍មុន បុគ្គលិកក្រុមហ៊ុនស្រាបៀរ ថៃហ្គ័រ បានចុះជួយជួសជុល និងលាបថ្នាំរបងសាលាបឋមសិក្សារបោះអង្កាញ់ ដោយមានការចូលរួមពីលោក Roland Bala អគ្គនាយកក្រុមហ៊ុនស្រាបៀរថៃហ្គ័រ, តំណាងការិយាល័យអប់រំខណ្ឌច្បារអំពៅ, មេភូមិរបោះអង្កាញ់, នាយកសាលា និងលោកគ្រូ-អ្នកគ្រូនៃសាលាបឋមសិក្សារបោះអង្កាញ់។

លោក Roland Bala ថ្លែងថា៖ "សាលារៀនមានសារៈសំខាន់ណាស់ ព្រោះការអប់រំល្អនឹងផ្ដល់មូលដ្ឋានគ្រឹះដ៏ល្អសម្រាប់អនាគតរបស់សិស្សានុសិស្ស។ ការទទួលបានការអប់រំល្អនេះហើយ ដែលបានធ្វើឲ្យបុគ្គលិកយើងទាំងអស់គ្នាទទួលបានជោគជ័យដូចបច្ចុប្បន្ន។

កន្លងមក យើងបានជួយកែលំអសោភណភាពសាលារៀននេះ ដោយជួសជុល និងលាបថ្នាំ អគារសិក្សា២ខ្នង បន្ទប់ទឹក និងអាងស្តុកទឹក និងកសាងរបងព័ទ្ធជុំវិញ ផ្លូវថ្មើរជើង ព្រមទាំងផ្ដល់សម្ភារៈសិក្សាមួយចំនួន។ តាមរយៈសកម្មភាពកែលំអទាំងនោះ បានជំរុញទឹកចិត្តអាណាព្យាបាលកាន់តែច្រើនឲ្យបញ្ជូនកូនពួកគាត់មកសិក្សានៅសាលារៀននេះ ដែលធ្វើឲ្យចំនួនសិស្សឆ្នាំសិក្សា២០១៥‌-១៦ កើនឡើង១៩% បើធៀបនឹងឆ្នាំសិក្សា២០១២-១៣ គឺមុនពេលដែលយើងបានមកចុះជួយសាលានេះ។ ដោយហេតុនេះ ទើបយើងបន្តចុះជួយសាលានេះបន្ថែមទៀតតាមរយៈការជួសជុលរបង និងលាបថ្នាំជាថ្មីនាថ្ងៃនេះ"។

លោកបន្តថា ក្រុមហ៊ុនកំពុងរៀបចំសាងសង់អគារថ្មី១ខ្នងមាន ៥ បន្ទប់ ជំនួសអគារចាស់បច្ចុប្បន្ន ដែលមានសភាពទ្រុឌទ្រោមខ្លាំង ហើយអគារនេះនឹងបញ្ចប់ក្នុងពេលឆាប់ៗខាងមុខ។

លោក អ៊ិត ស៊ាងហន នាយកស្ដីទីសាលាបឋមសិក្សារបោះអង្កាញ់ បានថ្លែងរៀបរាប់ពីផលលំបាកមួយចំនួន ដែលសាលារៀនបានជួបប្រទះមុនពេលក្រុមហ៊ុនស្រាបៀរ ថៃហ្គ័រ ចុះមកជួយកសាង និងជួសជុលរបងព័ទ្ធជុំវិញ ថា មានក្រុមស្ទាវចូលបរិវេណសាលាបំផ្លិចបំផ្លាញសម្ភារៈ និងប្រព្រឹត្តអំពើមិនគប្បីនានា, ប្រជាជនមួយចំនួនប្រើប្រាស់បរិវេណសាលាជាផ្លូវឆ្លងកាត់ដែលងាយនឹងបង្កគ្រោះថ្នាក់ដល់សិស្ស និងពិបាកគ្រប់គ្រងសិស្សដែលគេចមិនចូលរៀនជាដើម។ បញ្ហាទាំងនេះបានធ្វើឲ្យអាណាព្យាបាលព្រួយបារម្ភពីសុវត្ថិភាពកូនរបស់ពួកគាត់ ហើយប្ដូរសាលារៀន ទោះបីជាឆ្ងាយជាងនេះក្តី។

ក្រុមហ៊ុនស្រាបៀរ ថៃហ្គ័រ តែងចូលរួមសកម្មភាពនានាក្នុងការអភិវឌ្ឍសហគមន៍ និងផ្ដោតការយកចិត្តទុកដាក់ជាពិសេសលើការប្រព្រឹត្តខ្លួនជាសហគ្រាសមួយដែលមានស្មារតីទទួលខុសត្រូវខ្ពស់ចំពោះសង្គមជាតិតាមរយៈពាក្យស្លោក «យើងរីកចំរើនជាមួយសហគមន៍»៕

អត្ថបទ៖ ពាណិជ្ជកម្ម

ពាក្យទាក់ទង

ការផ្សាយពាណិជ្ជកម្ម

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

Dispatch ហែកកកាយទង្វើ Min Hee Jin ព្យាយាមក្ដោប NewJeans និងលាភសក្ការៈពី HYBE

សម្តេចតេជោ បានជួយ ១០ម៉ឺនដុល្លារ ដើម្បីព្យាបាលលោកសាស្រ្តាចារ្យ សំបូរ ម៉ាណ្ណារ៉ា ប៉ុន្តែនៅមិនអាចសង្គ្រោះបាន

អត្ថបទថ្មី

ទស្សនាការសម្ដែងក្បាច់គុនសៅលីញដ៏កម្រលើទឹកដីសៀមរាប

Neymar នៅតែរក្សាកំណត់ត្រាខ្សែប្រយុទ្ធមានតម្លៃខ្លួនខ្ពស់បំផុត ក្នុងប្រវត្តិសាស្ត្រដោះដូរកីឡាករ

Arteta សរសើរ Kai Havertz មិនដាច់ពីមាត់ក្រោយ Arsenal ឈ្នះ Chelsea ៥-០

ជៀសវាងជួបបញ្ហាដដែរៗ សុរ៉ាវឌ្ឍី បង្ហាញមុខបុគ្គល៥នាក់ ដែលអាចមានសិទ្ធផាត់មុខឱ្យខ្លួន

អស់ការអត់ធ្មត់! ណូយ វ៉ាន់ណេត ឲ្យមេធាវីសហការជាមួយមន្ដ្រីក្រសួងមហាផ្ទៃ ចាត់ការអ្នកប្រមាថជីវិតលោក

Panasonic ប្រកាសនូវកិច្ចសហការថ្មីជាមួយក្លិបបាល់ទាត់ Angkor Tiger Siem Reap សម្រាប់រដូវកាលបាល់ទាត់កម្ពុជា 2024/26 ខាងមុខនេះ