ស៊ុយអែតអាចឈ្នះបែលហ្សិក ដើម្បីទៅវគ្គបន្តអត់នៅយប់នេះ?
- 2016-06-22 21:00:04
- ចំនួនមតិ 0 | ចំនួនចែករំលែក 0
ស៊ុយអែតអាចឈ្នះបែលហ្សិក ដើម្បីទៅវគ្គបន្តអត់នៅយប់នេះ?
ចន្លោះមិនឃើញ
ក្រុមបាល់ទាត់ជម្រើសជាតិស៊ុយអែតត្រូវប៉ះជាមួយបែលហ្សិកវេលាម៉ោង២រំលងអាធ្រាត្រថ្ងៃពុធនេះក្នុងការប្រកួតបិទឆាកពូល E ពានរង្វាន់បាល់ទាត់ទ្វីបអឺរ៉ុបឆ្នាំ២០១៦នៅបារាំង។
២ប្រកួតកន្លងមកស៊ុយអែតស្មើ១ ចាញ់១ មាន១ពិន្ទុដូច្នេះដើម្បីដណ្ដើមឱកាសឈានទៅវគ្គបន្ទាប់ក្រុមលោក Erik Hamrén ត្រូវការឈ្នះដាច់ខាតលើបែលហ្សិកដែលកំពុងឈរលេខ២មាន៣ពិន្ទុនៅក្នុងដៃ។
ប្រវត្តិជួបគ្នា និងស្ថិតិខ្លះៗ៖
បែលហ្សិកឈ្នះ៧ក្នុងចំណោម១៤ប្រកួតទល់នឹងស៊ុយអែត ក្នុងនោះស្មើ២ និងចាញ់៥។
ជំនួបរវាងគូទាំង២ ស៊ុយអែតធ្លាប់ស៊ុតចូល ៣០គ្រាប់ខណៈបែលហ្សិកស៊ុតបាន២២គ្រាប់។
សម្ដីគ្រូបង្វឹក៖
លោក Erik Hamrén គ្រូបង្វឹកស៊ុយអែត៖ «តើយើងគួរចាប់ផ្ដើមការប្រកួតដោយសម្រុក ឬក៏ប្រុងប្រយ័ត្ន? ទាំងនេះគឺជាបញ្ហាដែលខ្ញុំកំពុងគិត ព្រោះបែលហ្សិកគឺជាក្រុមមិនធម្មតា ពិសេសពួកគេមានខ្សែប្រយុទ្ធឆ្នើមៗ និងសំបូរបច្ចេកទេស»។
លោក Marc Wilmots គ្រូបែលហ្សិក៖ «Zlatan គឺជាកីឡាករដែលគ្រោះថ្នាក់បំផុត ដោយសារប្រកួតនេះអាចជាប្រកួតចុងក្រោយសម្រាប់ស៊ុយអែត ដូច្នេះគេអាចនឹងពុះកញ្ជ្រោលខ្លាំងជាងគេ តែគ្រប់យ៉ាងគឺស្ថិតនៅលើយើងទាំងអស់គ្នា»។
ជើងកីឡាករ៖
ស៊ុយអែតមានរបួសកីឡាករ Lustig ម្នាក់ ដូច្នេះជម្រើស១១នាក់ដំបូងអាចជា៖ Isaksson; Lindelöf, Johansson, Granqvist, Olsson; Larsson, Ekdal, Källström, Forsberg; Berg, Ibrahimović។
បែលហ្សិកមានរបួសកីឡាករ២រូបគឺ Dembélé និងCarrasco (ខ្មងជើង) ដូច្នេះជម្រើស១១នាក់ដំបូងអាចជា៖ Courtois; Meunier, Alderweireld, Vermaelen, Vertonghen; Witsel, Nainggolan; Mertens, De Bruyne, Hazard; Lukaku៕
ព្យាករគូនេះគឺ៖ ស៊ុយអែត ០-១ បែលហ្សិក , ចុះប្រិយមិត្តយល់យ៉ាងណាដែរ?
*យប់នេះក៏មានការប្រកួត៣គូទៀតផងដែរ៖
ហុងគ្រី vs ព័រទុយហ្គាល់ (ម៉ោង១១:០០យប់)
អ៊ីស្លង់ vs អូទ្រីស (ម៉ោង១១:០០យប់)
អ៊ីតាលី vs សាធារណរដ្ឋអៀរឡង់ (ម៉ោង០២:០០រំលងអាធ្រាត្រ)៕
ប្រែសម្រួល៖ វីរ៉ុត ប្រភព៖ UEFA