ឪពុកម្ដាយនឹងជាប់គុក៧ឆ្នាំ បើកូនលេងផាវនៅម៉ាឡេស៊ី
- 2016-06-23 22:18:51
- ចំនួនមតិ 0 | ចំនួនចែករំលែក 0
ឪពុកម្ដាយនឹងជាប់គុក៧ឆ្នាំ បើកូនលេងផាវនៅម៉ាឡេស៊ី
ចន្លោះមិនឃើញ
ឪពុកម្ដាយនៅម៉ាឡេស៊ី ដែលទិញ ឬបណ្ដោយឲ្យកូនលេងផាវ ត្រូវគេចាត់ទុកជារឿងធ្ងន់ធ្ងរ អាចជាប់ពន្ធនាគាររហូតដល់ ៧ឆ្នាំបើគេចាប់បាន។
អគ្គស្នងការនគរបាលលោកTan Sri Khalid Abu Bakar និយាយថា ប៉ូលិសនឹងដាក់ចេញវិធានការតឹងរ៉ឹងចំពោះបុគ្គលណាបានរក្សាទុក ឬអុចផាវ ដោយត្រូវជាប់ពន្ធនាគារ ៧ឆ្នាំ ឬពិន័យជាប្រាក់ ១ម៉ឺនរីងហ្គីត (ប្រហាក់ប្រហែល ២៥០០ដុល្លារ) ឬបង់ប្រាក់ហើយជាប់ពន្ធនាគារទៀត។ ច្បាប់នេះបានផ្ដល់សិទ្ធិអំណាចដល់ប៉ូលិសអាចចូលមើលដល់ក្នុងផ្ទះ អាគារ កន្លែងស្នាក់នៅ យានយន្ត នាវា ឬយន្តហោះដែលបានបញ្ជាក់ក្នុងដីកា និងអាចឆែកឆេរគ្រប់ជនសង្ស័យ។
ការព្រមាននេះ មានគោលបំណងសំដៅលើអ្នកជួញដូរផាវចូលប្រទេស សាធារណជនទិញលក់ ឬអុជលេងនានា។ លោកបានថ្លែងប្រាប់កាសែត New Straits Times នៅម្សិលមិញថា ផាវដែលហាមឃាត់ខ្លាំងគឺ Pop-Pop ឬខ្មែរនិយមហៅផាវខ្ទឹម ដែលក្មេងៗចូលចិត្តបោកផ្ទប់នឹងផ្ទៃរឹង នោះវាផ្ទុះឡើង រួមជាមួយប្រភេទផាវផ្សេងទៀត។
លោកបានសង្កត់ធ្ងន់ថា "អ្នកលក់ទាំងឡាយណាដែលល្មើសច្បាប់ ហើយថាខ្លួនមិនបានដឹងការប្រកាសនេះ នឹងមិនត្រូវលើកលែងទោសឲ្យជាដាច់ខាត"។
ការរឹតបន្តឹងខាងលើ ធ្វើឡើងក្រោយពីអាជ្ញាធរបានរឹបអូសផាវខុសច្បាប់ជាច្រើនពីមួយថ្ងៃទៅមួយថ្ងៃ ដែលផាវទាំងនេះបានបង្កជាសោកនាដកម្ម និងពិការជាច្រើនករណីរយៈពេលប៉ុន្មានឆ្នាំចុងក្រោយនេះ៕
ទិដ្ឋភាពរឹបអូសផាវសប្ដាហ៍មុន នៅរដ្ឋ Kedah
ផាវ Pop-Pop
ចុចអាន៖ ស្រីស្រស់ស្អាតរបស់ម៉ាឡេស៊ីធ្វើឲ្យមានអ្នកស្រលាញ់នាងកាន់តែច្រើនលើ Online
ចុចអាន៖ ទេពធីតាសម្រស់ក្នុង Instagram ទាំង១០ប្រចាំម៉ាឡេស៊ី
ប្រែសម្រួល៖ឡេង ភារុណ ប្រភព៖ New Straits Times