Maradona ប្រាប់ក្រុមអាហ្សង់ទីន៖ "បើមិនឈ្នះពាន កុំត្រឡប់មកវិញ”
- 2016-06-24 15:59:30
- ចំនួនមតិ 0 | ចំនួនចែករំលែក 0
Maradona ប្រាប់ក្រុមអាហ្សង់ទីន៖ "បើមិនឈ្នះពាន កុំត្រឡប់មកវិញ”
ចន្លោះមិនឃើញ
Diego Maradona វីរបុរសក្រុមជម្រើសជាតិអាហ្សង់ទីន បាននិយាយពាក្យ១ឃ្លាព្រមានដល់ក្រុមជម្រើសជាតិរបស់ខ្លួន មុនប្រកួតវគ្គផ្ដាច់ព្រ័ត្រពានរង្វាន់ Copa America 2016 ទល់នឹងឈីលី នៅព្រឹកថ្ងៃច័ន្ទខាងមុខ។
Lionel Messi ប្រធានក្រុមអាហ្សង់ទីន
អាហ្សង់ទីន បានកក់កៅអីឡើងវគ្គផ្ដាច់ព្រ័ត្រ Copa America 2016 បន្ទាប់ពីយកឈ្នះម្ចាស់ផ្ទះអាមេរិក ៤-០ ខណៈប្រធានក្រុម Lionel Messi បានបំបែកកំណត់ត្រាក្លាយជាអ្នកស៊ុតបញ្ចូលទីច្រើនជាងគេឲ្យក្រុមជម្រើសជាតិ។ រីឯក្រុមការពារតំណែងជើងឯកឈីលី បានបំបាក់កូឡុំប៊ី ២-០។
Diego Maradona វីរបុរសក្រុមជម្រើសជាតិអាហ្សង់ទីន
អតីតគ្រូបង្វឹក និងជាកីឡាករ ដែលធ្លាប់ធ្វើជាប្រធានក្រុម ជួយឲ្យអាហ្សង់ទីន លើកពាន World Cup កាលឆ្នាំ១៩៨៦ (Maradona) បានប្រាប់ដល់ C5N កាលពីថ្ងៃពុធថា៖ "ប្រាកដណាស់ ខ្ញុំគិតថា យើង (អាហ្សង់ទីន) នឹងឈ្នះពាននេះ ប៉ុន្តែបើពួកគេមិនឈ្នះពានទេ កុំត្រឡប់មកវិញ”។
អាហ្សង់ទីន ខកខានឈ្នះពានរង្វាន់រយៈពេល២៣ឆ្នាំហើយ តាំងពីឆ្នាំ១៩៩៣មក ខណៈតារាឆ្នើម Messi ក៏ពុំទាន់ឈ្នះពានអ្វីមួយជាមួយឈុតធំក្រុមជម្រើសជាតិអាហ្សង់ទីនដែរ ប៉ុន្តែ២ឆ្នាំចុងក្រោយ ពួកគេឡើងដល់ផ្ដាច់ព្រ័ត្រ២ដងគឺ World Cup 2014 (ចាញ់អាល្លឺម៉ង់) និង Copa America 2015 (ចាញ់ឈីលី)៕
ប្រែសម្រួល៖ វិន ជីវ័ន្ត ប្រភព៖ AS