ក្រូអាត & ព័រទុយហ្គាល់ ក្រុមណាឡើងវគ្គ៨ក្រុមយប់នេះ?
- 2016-06-25 19:45:23
- ចំនួនមតិ 0 | ចំនួនចែករំលែក 0
ក្រូអាត & ព័រទុយហ្គាល់ ក្រុមណាឡើងវគ្គ៨ក្រុមយប់នេះ?
ចន្លោះមិនឃើញ
ការប្រកួត Euro 2016 វគ្គ១៦ក្រុមចុងក្រោយ នឹងចាប់ផ្ដើមនៅយប់នេះហើយ ខណៈដែលគូជក់ចិត្តជាងគេ គឺក្រុមជម្រើសជាតិក្រូអាត នឹងត្រូវប៉ះក្រុមព័រទុយហ្គាល់ នាវេលាម៉ោង០២:០០នាទីរំលងអាធ្រាត្រ។
ក្រូអាត ឡើងដល់វគ្គ១៦ក្រុម ដោយបញ្ចប់ចំណាត់ថ្នាក់លេខ១ ក្នុងពូល D បន្ទាប់ពី៣ប្រកួត ឈ្នះ២ ស្មើ១។ រីឯព័រទុយហ្គាល់ ៣ប្រកួតក្នុងពូល F ស្មើទាំង៣ប្រកួត ប៉ុន្តែអាចឡើងមកវគ្គ១៦ក្រុមបាន ដោយជាប់ក្នុងចំណោមក្រុមលេខ៣ល្អបំផុត។ ដូច្នេះចាំមើលថា ២ក្រុមនេះ ក្រុមណានឹងឡើងទៅវគ្គ៨ក្រុមបាន។
ប្រវត្តិជួបគ្នា និងស្ថិតិ៖
សម្ដីគ្រូបង្វឹក៖
Ante Cacic គ្រូបង្វឹកក្រូអាត៖ "យើងនឹងជួបក្រុមមួយ ដែលមានកីឡាករល្អៗលក្ខណៈឯកជន។ ពួកគេមិនបានឈ្នះនៅប្រកួតក្នុងពូលមែន ប៉ុន្តែពួកគេលេងបានល្អណាស់។ បើយើងក្រឡេកទៅមើលការប្រកួតរបស់ពួកគេ ពួកគេពិតជាគ្របលើគូប្រកួតច្រើន និងបង្កើតឱកាសច្រើន។ យ៉ាងណា ក្រុមយើង នឹងបន្តឲ្យបានវែងឆ្ងាយក្នុងព្រឹត្តិការណ៍នេះទៀត”។
Fernando Santos គ្រូបង្វឹកព័រទុយហ្គាល់៖ "ក្រុមទាំង២ខ្លាំងដូចគ្នា ប៉ុន្តែខ្ញុំមានគោលដៅរបស់ខ្ញុំ គឺត្រូវតែព្យាយាម និងឈ្នះប្រកួតនេះឲ្យបាន។ ក្រូអាត ជាក្រុមមួយមានគុណភាពល្អ ហើយវានឹងក្លាយជាការប្រកួតដ៏អស្ចារ្យ ព្រោះក្រុមទាំង២ចង់ទៅវគ្គបន្ទាប់ដូចគ្នា។ ខ្ញុំជឿជាក់ថា យើងនឹងអាចឈ្នះក្រូអាត”។
ជើងកីឡាករ៖
សម្រាប់ក្រូអាត ខ្សែបម្រើ Luka Modric អាចត្រឡប់មកវិញហើយ បន្ទាប់ពីអវត្តមានកាលឈ្នះអេស្ប៉ាញ ដោយសាររបួសក្រលៀន ក្រៅពីនោះគ្មានបញ្ហាកីឡាករណាទៀតទេ។ ដូច្នេះ១១នាក់ដំបូងរបស់ក្រូអាត អាច៖ Subašić; Srna, Ćorluka, Vida, Strinić; Modrić, Badelj; Brozović, Rakitić, Perišić; Mandžukić។
រីឯព័រទុយហ្គាល់ ខ្សែការពារ Raphael Guerreiro អាចនឹងចូលលេងបានវិញ បន្ទាប់ពីមានបញ្ហាសាច់ដុំត្រូវអវត្តមាន កាលស្មើហុងគ្រី។ ដូច្នេះ១១នាក់ដំបូងរបស់ព័រទុយហ្គាល់ អាច៖ Rui Patrício; Vieirinha, Carvalho, Pepe, Guerreiro; William Carvalho, João Moutinho, André Gomes, João Mário; Nani, Ronaldo។
ព្យាករណ៍៖ ក្រូអាត ១-២ ព័រទុយហ្គាល់ , ចុះប្រិយមិត្តយល់យ៉ាងណាវិញ?
*២គូទៀតនៅយប់នេះគឺ៖
ប្រែសម្រួល៖ វិន ជីវ័ន្ត ប្រភព៖ UEFA | SkySports