បែលហ្សិក បំបាក់ហុងគ្រី ៤-០ ឯអាល្លឺម៉ង់លត់ស្លូវ៉ាគី ៣-០
- 2016-06-27 11:13:45
- ចំនួនមតិ 0 | ចំនួនចែករំលែក 0
បែលហ្សិក បំបាក់ហុងគ្រី ៤-០ ឯអាល្លឺម៉ង់លត់ស្លូវ៉ាគី ៣-០
ចន្លោះមិនឃើញ
ក្រុមជម្រើសជាតិបែលហ្សិក និងអាល្លឺម៉ង់ បានឡើងទៅកាន់វគ្គ៨ក្រុមចុងក្រោយ Euro 2016 ហើយ បន្ទាប់ពីបំបាក់ដៃគូប្រកួតយ៉ាងចាស់ដៃដូចគ្នា ដោយបែលហ្សិក បំបាក់ហុងគ្រី ៤-០ រីឯអាល្លឺម៉ង់ លត់ស្លូវ៉ាគី ៣-០ យប់មិញ។
៤គ្រាប់របស់ក្រុមខ្លាំងបែលហ្សិក រកបានដោយខ្សែការពារ Toby Alderweireld របស់ក្រុម Tottenham Hotspur តែតនៅនាទីទី១០ មុនពេលខ្សែប្រយុទ្ធវ័យក្មេង Michy Batshuayi របស់ក្រុម Marseille ស៊ុតគ្រាប់ទី២ នាទី៧៨ ខណៈដែល២នាទីបន្ទាប់ Eden Hazard តារាឆ្នើមក្រុម Chelsea ញាក់ជ្រែកខ្សែការពារហុងគ្រី ស៊ុតបំប៉ោងសំណាញ់ទីគ្រាប់ទី៣ និង Yannick Ferreira-Carrasco របស់ក្រុម Atletico Madrid ស៊ុតបង្ហើយគ្រាប់ទី៤ ចុងម៉ោងនាទី៩០។ បែលហ្សិក នឹងឡើងទៅប៉ះវែល នៅវគ្គ៨ក្រុម។
រីឯក្រុមម្ចាស់ជើងឯក World Cup 2014 វិញ ក៏មិនធម្មតាដែរ ដោយលត់ស្លូវ៉ាគី ឲ្យតដៃមិនរួច ៣-០ ខណៈដែល៣គ្រាប់នេះ រកបានដោយខ្សែការពារ Jerome Boateng របស់ក្រុម Bayern Munich ស៊ុតកាប់នៅនាទី៨ មុនពេល Mesut Ozil របស់ក្រុម Arsenal ស៊ុតបាល់ពិន័យ១១ម៉ែត្រ មិនបានសម្រេចនៅនាទី១៣។ ខ្សែប្រយុទ្ធ Mario Gomez របស់ក្រុម Beşiktaş ស៊ុតគ្រាប់ទី២ ឲ្យអាល្លឺម៉ង់នៅនាទី៤៣ និងខ្សែបម្រើឆ្នើមវ័យក្មេង Julian Draxler របស់ក្រុម Wolfsburg រកបានគ្រាប់ទី៣ នៅនាទី៦៣។ ដូច្នេះអាល្លឺម៉ង់ នឹងឡើងទៅប៉ះអ៊ីតាលី ឬអេស្ប៉ាញនៅវគ្គ៨ក្រុមជាបន្ត៕
ប្រែសម្រួល៖ វិន ជីវ័ន្ត ប្រភព៖ bbc