រ៉ូបពណ៌មាសរបស់ រំដួលលិចទឹក មានតម្លៃហួសចិត្ត
- 2016-06-28 13:26:26
- ចំនួនមតិ 0 | ចំនួនចែករំលែក 0
រ៉ូបពណ៌មាសរបស់ រំដួលលិចទឹក មានតម្លៃហួសចិត្ត
ចន្លោះមិនឃើញ
ក្នុងឱកាសមង្គលការអ្នកនាង ថន ដារ៉ា ជាមួយស្វាមី ណាវៈរ៉ាត់ យូបំារ៉ុង ដែលជាមន្ត្រីក្នុងជួររដ្ឋាភិបាលថៃ ក៏មានវត្តមាន រំដួលលិចទឹក ចូលរួមផងដែរដោយក្រាលគ្រងដោយសំពត់រ៉ូបពណ៌ទឹកមាស ដែលមានតម្លៃហួសចិត្ត គឺមិនដល់ ៣ម៉ឺនរៀលផង។ ចំណែកពេលវេលាកែច្នៃវិញ គឺមិនលើសពី១ម៉ោងឡើយ។
នេះជាការច្នៃប្រឌិតដែលកើតចេញភ្លាមៗ ក្នុងរយៈពេលមួយម៉ោងមុនទៅចូលរួមពិធីអាពាហ៍ពិពាហ៍ ថន ដារ៉ា ដែលដំបូងឡើយ រំដួលលិចទឹក ប្រាប់ថា រ៉ូបនេះជារ៉ូបចាស់របស់បងស្រី ក្រោយឈប់ស្លៀក នាងបានយកមកច្នៃចេញជារ៉ូបដែលនាងពេញចិត្តសម្រាប់មង្គលការ ថន ដារ៉ា។ ម៉ិញ ចាន់វ៉ាន់ដា ហៅ រំដួលលិចទឹក អះអាងថា មួយឈុតពីក្បាលដល់ចុងជើង គឺពណ៌មាសទាំងអស់ ហើយភាគច្រើនរបស់ដែលនាងស្លៀកចូលរួមមង្គលការ ថន ដារ៉ា គឺសុទ្ធតែមានស្រាប់ តាមរយៈការសន្សំសំចៃកន្លងមក ទើបលេចចេញជាឈុតមាសទាំងដុលបែបនេះ។
“ការពិតរ៉ូបហ្នឹងរឿងចាស់របស់បងស្រីនាងខ្ញុំ ចៃដន្យអីគឺថាពេលខ្ញុំខលទៅត្រូវម៉ាច់តែម្តងចឹងហើយខ្ញុំក៏បានទិញសារុងសូត្រ និងក្រណាត់ស្បៃមកច្នៃខ្លួនឯងបន្ថែមទៀតទៅ។ រ៉ូបនេះបងខ្ញុំទិញយូរ គាត់លែងស្លៀកទុកចោល ហើយខ្ញុំទិញក្រណាត់មកឆ្នៃថែម និងអស់តែ ២០០០០រៀលទៀតប៉ុណ្ណោះ។ ទាំងបូសក់ កាបូប រ៉ូប ស្បែកជើង សុទ្ធតែពណ៌មាសទាំងអស់បង បើសរុបទៅក្បែរ២០០ដុល្លារ"។
អ្នកផាត់មុខឲ្យ មាស សុខសោភា រូបនេះបន្តឲ្យដឹងទៀតថា រាល់ម៉ូដសំលៀកបំពាក់ដែលនាងច្នៃចូលរួមកម្មវិធី ឬថតនៅតាមស្រុកស្រែ ឬទីកន្លែងនានា ចំណាយពេលមិនយូរឡើយ ។ រំដួលលិចទឹកអះអាងថា សំលៀកបំពាក់ដែលនាងច្នៃទាំងនោះ រកនឹកឃើញភ្លាមៗ ធ្វើភ្លាមៗតែម្ដង៕ ប្រិយមិត្តយល់យ៉ាងណា ចំពោះការច្នៃម៉ូដពី រំដួលលិចទឹក ពណ៌មាស សុទ្ធបែបនេះ?
អត្ថបទ៖ ថា ម៉ាលីដា