គូស្នេហ៍អ្នករបាំថៃថតរូប Pre-Wedding ក្នុងឈុតល្ខោនខូន ទាក់ទាញការចាប់អារម្មណ៍
- 2016-06-27 23:44:08
- ចំនួនមតិ 0 | ចំនួនចែករំលែក 0
គូស្នេហ៍អ្នករបាំថៃថតរូប Pre-Wedding ក្នុងឈុតល្ខោនខូន ទាក់ទាញការចាប់អារម្មណ៍
ចន្លោះមិនឃើញ
អ្នកថតរូបជនជាតិថៃម្នាក់គឺលោក Pherawit Rattanachot បានចែករំលែករូបភាព Pre-Wedding មួយចំនួនរបស់គូស្នេហ៍មួយគូដែលជាអ្នកសម្ដែងល្ខោន Khon ធ្វើឲ្យមនុស្សជាច្រើនកំពុងចាប់អារម្មណ៍។ នេះបើតាមសារព័ត៌មាន Bangkok Coconuts។
នៅក្នុងរូបថត គេអាចឃើញបុរសជាសង្សារបានស្លៀកពាក់និងពាក់មុខជាតួយក្ស ចំណែកភាគីខាងនារីស្លៀកពាក់ដើរតួជានាងសេដា ដែលយោងទៅតាមរឿង «រាមាយណ» នៅក្នុងវគ្គនិយាយរៀបរាប់ពីតួអង្គយក្សក្រុងរាពណ៍ ចាប់ពង្រត់នាងសេដា ជាភរិយារបស់តួអង្គព្រះរាម។
តាមការឲ្យដឹងពីលោក Pherawit ដោយសារតែគូស្នេហ៍ខាងលើជាអ្នកសម្ដែងល្ខោនផ្ទាល់ ដូចនេះការរៀបចំបង្កើតប្លង់ថតដោយសម្ដែងតាមរឿងល្ខោនកាន់តែរស់រវើក។ តែនៅពេលសួរថា ហេតុអ្វីបានជាលោករើសយកទីតាំងថតក្បែរអគារទីក្រុង មិនថតនៅរោងមហោស្រព ឬរើសយកទីតាំងជាលក្ខណៈប្រពៃណីឲ្យបានច្រើន? អ្នកជំនាញថតរូបនេះតបវិញថា លោកចង់បង្កើតទស្សនីយភាពប្លែកថ្មី ដើម្បីទាក់ទាញចំណាប់អារម្មណ៍សាធារណជន។
លោក Pherawit បានរៀបចំប្លង់ថតរូបរបស់គូស្នេហ៍ខាងលើ ថតនៅក្នុងព្រៃព្រឹក្សាផងដែរ៕
ចុចអាន៖ ថៃនិយាយអ្វីខ្លះ ក្រោយអ្នកប្រើបណ្ដាញសង្គមខ្មែរផ្ទុះប្រតិកម្មជុំវិញល្ខោនខោល?
ប្រែសម្រួល៖ មាន រតនា ប្រភព៖ bangkokcoconuts
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
