៣សំណួរសំខាន់ៗក្រោយចក្រភពអង់គ្លេស ធ្វើប្រជាមតិផ្ដាច់ខ្លួនពី EU

2016-06-28 17:50:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយការធ្វើប្រជាមតិផ្ដាច់ខ្លួនចេញពីសហភាពអឺរ៉ុបរបស់ចក្រភពអង់គ្លេស បានបង្កឲ្យមានផលប៉ះពាល់ដល់ពិភពលោក ជាពិសេសនយោបាយ និងសេដ្ឋកិច្ច។ មកទល់ពេលនេះ សារព័ត៌មាន BBC បានបង្ហាញពីភាពស្ថានភាពមួយចំនួននៅចក្រភពអង់គ្លេសក្រោយដំណើរការចាកចេញដែលហៅថា Brexit ។

១. តើពេលណាចក្រភពអង់គ្លេសចាកចេញពីសហភាពអឺរ៉ុប? ពុំធ្លាប់មានប្រទេសសមាជិកណាមួយបានចាកចេញពី សហភាពអឺរ៉ុបឡើយ ដូចនេះចក្រភពអង់គ្លេសអាចជាករណីទី១។ អង់គ្លេសអាចដកខ្លួនចាកចេញពី EU បានដោយប្រតិបត្តិតាមមាត្រា ៥០ នៃសន្ធិសញ្ញាទីក្រុង Lisbon។ យោងតាមមាត្រាចូលជាធរមាននាឆ្នាំ២០០៩នោះ ប្រទេសសមាជិកណាមួយសម្រេចថាដើរចេញពី EU ត្រូវធ្វើការបញ្ជាក់ដោយផ្ញើលិខិតជាផ្លូវការ ឬជូនដំណឹងដល់ប្រមុខរដ្ឋសមាជិក EU។

អង់គ្លេសមានពេល២ឆ្នាំដើម្បីធ្វើកិច្ចចរចាជាមួយប្រទេសសមាជិក EU ដទៃដើម្បីដកខ្លួនពី EU។ យ៉ាងណាមិញដំណើរការនោះអាចអូសបន្លាយពេលវេលាយូរថែមទៀត ស្របពេលដែលលោកនាយករដ្ឋមន្ត្រីអង់គ្លេស David Cameron ប្រកាសថានឹងលាលែងពីតំណែងនាខែតុលាខាងមុខ ចំណែកអ្នកចូលកាន់តំណែងថ្មីនឹងជាអ្នកសម្រេចថាត្រូវធ្វើយ៉ាងណាចំពោះ មាត្រា ៥០ នៃសន្ធិសញ្ញាទីក្រុង Lisbon។

២. ដំណើរការ Brexit អាចបង្កឲ្យចក្រភពអង់គ្លេសបែកបាក់ឬទេ? ចក្រភពអង់គ្លេសដែលរួមមានប្រទេស អង់គ្លេស ស្កុតឡែន វែល និងអៀរឡង់ខាងជើង នៅក្នុងដំណើរការធ្វើប្រជាមតិផ្ដាច់ខ្លួនពី EU ក្នុងនោះអង់គ្លេស និងវែល សម្រេចចាកចេញ ដោយឡែក ស្កុតឡែន និងអៀរឡង់ខាងជើងបោះឆ្នោតចង់នៅ។

រដ្ឋមន្ត្រីទី១នៃស្កុតឡែន Nicola Sturgeon បានឲ្យដឹងថា ការធ្វើប្រជាមតិលើកទី២អំពីឯករាជ្យស្កុតឡែន ៦០ភាគរយនៃប្រជាជនស្កុតឡែនចង់ចាកចេញពីចក្រភពអង់គ្លេសដើម្បីអាចនៅជាសមាជិកនៃ EU។

ដោយឡែកអនុរដ្ឋមន្ត្រីទី១នៃអៀរឡង់ខាងជើង Martin McGuinness បានអំពាវនាវឲ្យមានការធ្វើប្រជាមតិមួយផងដែរដើម្បីរួបរួមអៀរឡង់ខាងជើងនិងខាងត្បូង ដែលអាចចាកចេញពីចក្រភពអង់គ្លេស និងនៅជាសមាជិករបស់ EU។

៣.តើនយោបាយចក្រភពអង់គ្លេសកំពុងធ្លាក់ចុះដុនដាបឬ? ចាប់តាំងពីថ្ងៃបោះឆ្នោតធ្វើប្រជាមតិផ្ដាច់ខ្លួនពី EU នយោបាយអង់គ្លេសចាប់ផ្ដើមប្រែប្រួល ដោយរដ្ឋាភិបាលនិងគណបក្សប្រឆាំងបានបង្កើតជាភាពវឹកវរមិនធ្លាប់មានក្នុងប្រវត្តិសាស្ត្រនយោបាយអង់គ្លេស។ កាលពីថ្ងៃសុក្រកន្លងទៅ នាយករដ្ឋមន្ត្រីអង់គ្លេសប្រកាសថានឹងចុះចេញពីតំណែងនាខែតុលា។

*** មកទល់ពេលនេះ អង់គ្លេសមានត្រឹមតែលទ្ធផលប្រជាមតិ តែអង់គ្លេសមិនទាន់បានជូនដំណឹងផ្លូវការទៅសហភាពអឺរ៉ុបនៅឡើយ ដូចនេះនីតិវិធីផ្ដាច់ខ្លួនពី EU នៅតែស្ថិតក្នុងភាពស្រពិចស្រពិល និងស្ថិតក្នុងដំណាក់កាលច្រើនដើម្បីចាកចេញ។ ទោះជាយ៉ាងណា បណ្ដាថ្នាក់ដឹកនាំជាន់ខ្ពស់នាប្រទេសសមាជិកសហភាពអឺរ៉ុបមួយចំនួន ដូចជាបារាំង អាល្លឺម៉ង់ បានជំរុញឲ្យអង់គ្លេសធ្វើដំណើរការចាកចេញពី EU ឲ្យបានឆាប់ៗ ដើម្បីកុំឲ្យបង្កឲ្យមានការលំបាកទន្ទឹងរង់ចាំ និងដើម្បីឲ្យ EU រៀបចំបោសសម្អាតផ្ទះ៕

ចុចអាន៖ អង់គ្លេស ចេញពីអឺរ៉ុប តើអាស៊ីប៉ះពាល់អ្វីខ្លះ ?

ប្រែសម្រួល៖ មាន រតនា ប្រភព៖ BBC, dailymail 

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

អត្ថបទថ្មី

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

ចៃដន្យមែន! តារាចម្រៀង ២ រូប ដឹកដៃគូស្នេហ៍ចូលរោងការថ្ងៃនេះដូចគ្នា

ដៃធ្ងន់ដូច ធឿន ធារ៉ា អីចឹងធ្វើបានជោគជ័យទេប្រកួត Kick Boxing យប់នេះ