មីយ៉ាន់ម៉ាលក់ថ្លើមថ្ម៥៨៩ដុំ បានជាង ៧៧លានដុល្លារ

2016-06-30 16:30:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីដេញថ្លៃ Myanmar Gems Emporium លើកទី៥៣ នៅប្រទេសមីយ៉ាន់ម៉ា អាចរកចំណូលបានប្រមាណ ៧៧,៥លានដុល្លារអាមេរិក តាមរយៈការលក់ថ្លើមថ្មចំនួន ៥៨៩ដុំ នៅថ្ងៃពុធម្សិលមិញ។

ថ្លើមថ្មសរុបទាំងអស់មានចំនួន ៦០៦២ដុំ ដែលបានដាក់តាំងបង្ហាញក្នុងព្រឹត្តិការណ៍ដេញថ្លៃ ដែលចាប់ផ្ដើមកាលពីថ្ងៃសុក្រទី ២៤មិថុនា សប្ដាហ៍មុន នៅទីក្រុងណៃពិដោ។ ក្រៅពីថ្លើមថ្មក៏មានត្បូងចំនួន ៥១២ដុំ និងគជ់ខ្យង ៣៦៥ដុំ បានដាក់លក់ផងដែរ។

ថ្លើមថ្ម និងត្បូងទាំងអស់ត្រូវបានគេដាក់តម្លៃគោលមួយ រួចបើកឲ្យមានការដេញថ្លៃគិតជារូបិយប័ណ្ណអឺរ៉ូ។ ថ្លើមថ្មតូចធំទាំងនោះមានតម្លៃដំបូងចាប់ពី ៤ពាន់ ទៅដល់ ២សែនអឺរ៉ូ ឬខ្លះទៀតលើសនេះក៏មាន។

ការលក់ដេញថ្លៃត្រូវបានគេអញ្ជើញភ្ញៀវចូលរួមជាអ្នកជំនួញ និងសេដ្ឋីៗ មកពីមីយ៉ាន់ម៉ាផ្ទាល់ ចិន ឥណ្ឌា ជប៉ុន សិង្ហបុរី និងថៃ។ ព្រឹត្តិការណ៍ខាងលើបានកើតឡើងដំបូងគេចាប់តាំងពីឆ្នាំ ១៩៦៤មកម្ល៉េះ។

ផលិតផលថ្លើមថ្មមីយ៉ាន់ម៉ានាំចេញកាលពីឆ្នាំ ២០១៤ -២០១៥ មានទំហំទឹកប្រាក់ ៩៨៦,៦៤លានដុល្លារ តែធ្លាក់ចុះកាលឆ្នាំ ២០១៣-២០១៤ ដែលមានទឹកប្រាក់ ១,០១ពាន់លានដុល្លារអាមេរិក។ នៅថ្ងៃពុធម្សិលមិញ សរុបទាំងថ្លើមថ្ម ត្បូង និងគជ់ខ្យង គេអាចរកបានប្រាក់ ១១៨,១៥លានដុល្លារឯណោះ៕

ចុចអាន៖ អ៊ុង សាន ស៊ូជី៖ “ប្រជាជនរបស់យើងចង់បានការងារ មិនមែនជំនួយសប្បុរសធម៌ទេ”

ប្រែសម្រួល៖ ឡេង ភារុណ ប្រភព៖ Global new light of myanmar, english.cri.cn

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

អត្ថបទថ្មី

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី

មកដឹងកាលបរិច្ឆេទប្រកួត Semi Final កម្មវិធី Champions League

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត