James លេងម៉ូដសក់ថ្មី នាំប្រពន្ធទៅលេងបាល់នៅ Miami

2016-07-02 21:35:26
ចំនួនមតិ 0 | ចំនួនចែករំលែក 0

ចន្លោះមិនឃើញ

James Rodriguez ខ្សែបម្រើឆ្នើមក្រុម Real Madrid បានធ្វើដំណើរទៅលំហែកាយនៅឆ្នេរសមុទ្រអាមេរិក នាទីក្រុង Miami ជាមួយគ្រួសារ បន្ទាប់ពីបញ្ចប់ភារកិច្ចជួយក្រុមជម្រើសជាតិកូឡុំប៊ី ឲ្យទទួលបានចំណាត់ថ្នាក់លេខ៣ នៅពានរង្វាន់ Copa America 2016។

James Rodriguez ប្រធានក្រុមកូឡុំប៊ី របស់ក្លឹប Real Madrid

ប្រធានក្រុមកូឡុំប៊ី វ័យ២៤ឆ្នាំរូបនេះ បានបង្ហាញខ្លួនជាមួយនឹងម៉ូដសក់ប្លែកពណ៌ស និងបានលេងកម្សាន្តជាមួយនឹងភរិយាដ៏ស្រស់ស្អាត Daniela Ospina វ័យ២៣ឆ្នាំ ដែលជាកីឡាការិនីបាល់ទះជម្រើសជាតិកូឡុំប៊ីផងដែរ ដោយលេងទាំងបាល់ទះ និងបាល់ទាត់តែម្ដង។

អនាគតរបស់ James នៅក្លឹប Real Madrid មិនទាន់ច្បាស់លាស់នៅឡើយទេ បន្ទាប់ពីពុំសូវបានជាប់ជម្រើសដំបូងរដូវកាលមុន ខណៈដែលកន្លងមក ក៏ធ្លាប់មានពាក្យចចាមអារ៉ាមជាច្រើនថា ក្លឹប Manchester United កំពុងតែតាមប្រមាញ់ ចង់បានម្ចាស់ស្បែកជើងមាស World Cup 2014 រូបនេះ ទៅទឹកដី Old Trafford ផងដែរ៕