បុរសចិនចំណាយពេលជិត១ឆ្នាំ ផលិតរថក្រោះបាន១គ្រឿង
- 2016-07-03 16:00:06
- ចំនួនមតិ 0 | ចំនួនចែករំលែក 0
បុរសចិនចំណាយពេលជិត១ឆ្នាំ ផលិតរថក្រោះបាន១គ្រឿង
ចន្លោះមិនឃើញ
បុរសអ្នកភូមិម្នាក់ក្នុងខេត្តសានទុង ប្រទេសចិន បានច្នៃបង្កើតចេញជារថពាសដែកមួយគ្រឿងមានខ្នាត ១លើ១ចម្លងតាមរថក្រោះចម្បាំងធុន Type 99 របស់ចិន ធ្វើឲ្យសាធារណជនចិនជាច្រើនភ្ញាក់ផ្អើលខ្លាំង។
តាមសារព័ត៌មាន People Daily លោក ប៉េង ហៅជី បានចំណាយពេល១១ខែផលិតចេញជារថក្រោះខាងលើឡើង ដោយមានការជួយពីមិត្តភ័ក្ដិរបស់លោក។ រថក្រោះចម្លងរបស់លោក ប៉េង មានប្រវែងសរុប១០ម៉ែត្រ ទទឹង៣ម៉ែត្រ និងទម្ងន់២០តោន ដំណើរការដោយម៉ាស៊ីនម៉ាស៊ូត អាចរត់បាន១៥គីឡូម៉ែត្រក្នុងមួយម៉ោង។
ទោះបីរូបរាង និងដំណើរការរថពាសដែករបស់លោក ប៉េង ស្ទើរតែដូចនឹងរថក្រោះចម្បាំងចិនទាំងស្រុងក្ដី ប៉ុន្តែក្រុមលោកពុំអាចបំពាក់មុខងារឲ្យរថក្រោះខាងលើបាញ់គ្រាប់បាននោះទេ។ បើតាមលោក ប៉េង បានឲ្យដឹងថា លោកពុំមានបទពិសោធន៍ច្រើនទាក់ទងនឹងការធ្វើរថពាសដែកនោះទេ តែលោកមានចំណូលចិត្តខ្លាំងទាក់ទងនឹងយុទ្ធោបករណ៍ ជាពិសេសកូនប្រុសរបស់លោកជាសិស្សយោធា ដូចនេះលោកចង់ឲ្យគេស្វែងយល់ឲ្យពីរថក្រោះនោះឲ្យបានច្រើន។
នាថ្ងៃខាងមុខ លោកប៉េងគ្រោងនឹងច្នៃធ្វើជារថពាសដែកធុនផ្សេងៗទៀតផងដែរ ដើម្បីឲ្យក្មេងៗក្នុងភូមិលោកស្វែងយល់ទាក់ទងនឹងវិស័យយោធាបានច្រើន៕
ចុចអាន៖ ប្រើពេល២១ថ្ងៃ ផលិតឡានប្រណាំងដោយខ្លួនឯងបាន១គ្រឿង
ប្រែសម្រួល៖ មាន រតនា ប្រភព៖ shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
