ស្រីស្អាតអ្នកហែកសំបុត្រឡានក្រុងថៃ កំពុងល្បីខ្លាំងលើអ៊ីនធឺណិត

2016-07-03 18:49:53
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាំហែកសំបុត្រលើឡានក្រុងស្រីម្នាក់នៅថៃ គឺកញ្ញា Aung Thananis Watthanachaiumpon កំពុងធ្វើឲ្យមនុស្សជាច្រើនកោតសរសើរលើបណ្ដាញសង្គម តាមរយៈការបង្ហោះវីដេអូរៀបរាប់ពីការងារប្រចាំថ្ងៃរបស់នាង។

តាមសារព័ត៌មាន Bangkok Coconuts នៅក្នុងវីដេអូរយៈពេលប្រមាណជាង២នាទី កញ្ញាហែកសំបុត្រវ័យ២៣ឆ្នាំ Aung បាននិយាយថា នាងស្រលាញ់ពេញចិត្តនឹងការងារនាងខ្លាំងណាស់ ទោះបីពេលខ្លះការងារនេះធ្វើឲ្យនាងនឿយហត់លំបាក ប៉ុន្តែនាងរីករាយនឹងការងារស្របច្បាប់។ ចុងក្រោយនាងផ្ដាំទៅសាធារណជនថា ការងារអ្វីក៏ដោយឲ្យតែសុចរិតនឹងធ្វើឲ្យបុគ្គលនោះសប្បាយចិត្ត។

វីដេអូស្រីស្អាតខាងលើ បានទាក់ទាញចំណាប់អារម្មណ៍ច្រើនរហូតដល់មានការចូលមើលជាង ៣ សែន Views ។ បន្ទាប់ពីឃើញវីដេអូនោះ ខាងទូរទស្សន៍ និងសារព័ត៌មានថៃជាច្រើនបានទៅទាក់ទងសម្ភាសនាងផងដែរ។

សព្វថ្ងៃកញ្ញាហែកសំបុត្រ Aung កំពុងបម្រើការងារលើឡានក្រុងសាធារណថៃ លេខ៨។ កញ្ញាវ័យ២៣ឆ្នាំរូបនេះក៏ត្រូវសាធារណជនថៃដឹងថា កំពុងមានទំនាក់ទំនងស្នេហាជាមួយកំលោះម្នាក់ដែលអ្នកហែកសំបុត្រឡានសាធារណថៃដូចគ្នា ឈ្មោះ Ley O ដែលបម្រើលើឡានក្រុងលេខ ៤៤៕