ទិដ្ឋភាពដ៏ស្វិតស្វាញនៃការប្រកួតជើងឯកលីប្រពន្ធជម្នះឧបសគ្គកម្រិតពិភពលោក ២០១៦
- 2016-07-03 21:04:36
- ចំនួនមតិ 0 | ចំនួនចែករំលែក 0
ទិដ្ឋភាពដ៏ស្វិតស្វាញនៃការប្រកួតជើងឯកលីប្រពន្ធជម្នះឧបសគ្គកម្រិតពិភពលោក ២០១៦
ចន្លោះមិនឃើញ
ការប្រកួតជ្រើសរើសជើងឯកលីប្រពន្ធរត់កាត់តាមផ្លូវមានឧបសគ្គកម្រិតពិភពលោកឆ្នាំ២០១៦ ដែលធ្វើឡើងនាទីក្រុង Sonkajaervi ប្រទេសហ្វាំងឡង់នាពេលថ្មីៗនេះ បានបង្កជាសកម្មភាពជក់ចិត្តដល់អ្នកចូលរួមទស្សនាជាច្រើនដែលបានចូលរួម។
សម្រាប់ឆ្នាំ២០១៦នេះ មានបេក្ខភាពជាគូស្វាមីភរិយាភាគច្រើនមកពីរុស្ស៊ី សហរដ្ឋអាមេរិក និងជប៉ុនមកចូលរួម ហើយអ្វីដែលពិសេសក្នុងឆ្នាំនេះ គឺអ្នកមិនទាន់រៀបការ តែមានដៃគូ ឬអ្នកគ្មានដៃគូតែចង់ចូលរួម អាចខ្ចីដៃគូណាម្នាក់ដែលគេព្រមព្រៀងស្ម័គ្រចិត្ត ក៏អាចចូលប្រកួតក្នុងកម្មវិធីខាងលើផងដែរ។
នៅក្នុងលក្ខខណ្ឌប្រកួត តម្រូវឲ្យភាគីបុរសជាប្ដីដាក់ប្រពន្ធ ឬដៃគូរបស់ខ្លួនលើស្មាដោយដាំក្បាលទៅក្រោយខ្នងរួចរត់កាត់ផ្លូវមានឧបសគ្គចម្ងាយ២៥០ម៉ែត្រ។ ចំពោះភាគីនារីត្រូវពាក់មួកសុវត្ថិភាពការពារក្បាល និងមានទម្ងន់យ៉ាងតិចណាស់ ៤៩គីឡូក្រាម ក្នុងករណីស្រាលជាងទម្ងន់នេះ ត្រូវស្ពាយរបស់របរជាបន្ទុកបន្ថែម។
ម្ចាស់ជើងឯកឆ្នាំ២០១៦ លោក Dimitriy Sagal និងអ្នកស្រី Anastasia Loginova
សម្រាប់ការប្រកួតដ៏ស្វិតស្វាញឆ្នាំ២០១៦ខាងលើនោះ ជើងឯកលីប្រពន្ធគឺបានគូស្វាមីភរិយាមកពីរុស្ស៊ី គឺលោក Dimitriy Sagal និងអ្នកស្រី Anastasia Loginova ។ អមជាមួយការរកឃើញជើងឯកជ័យជម្នះ សារព័ត៌មានអង់គ្លេស Daily Mail បានថតជាទិដ្ឋភាពក្នុងការប្រកួតតានតឹងតែបានបង្កើតជាបរិយាកាសរីករាយក្នុងព្រឹត្តិការណ៍នោះមកបង្ហាញដូចខាងក្រោម៖
ប្រែសម្រួល៖ មាន រតនា ប្រភព៖ dailymail