ថូកម្រចិនធ្លាប់ប្រើទប់ទ្វារ យកមកដាក់លក់ដេញថ្លៃបាន៨០ម៉ឺនដុល្លារ
- 2016-07-04 20:50:41
- ចំនួនមតិ 0 | ចំនួនចែករំលែក 0
ថូកម្រចិនធ្លាប់ប្រើទប់ទ្វារ យកមកដាក់លក់ដេញថ្លៃបាន៨០ម៉ឺនដុល្លារ
ចន្លោះមិនឃើញ
ថូដ៏កម្ររបស់ជនជាតិចិនតាំងពីសតវត្សទី១៨ ដែលគេតែងតែទុកប្រើសម្រាប់ទប់ទ្វារពេលបើកចេញចូលនៅក្នុងផ្ទះរបស់គ្រួសារមួយនៅទីក្រុង Birmingham ត្រូវបានគេដាក់លក់ដេញថ្លៃបាន៦៥ម៉ឺនផោន ឬ ៨០ម៉ឺនដុល្លារ នៅប្រទេសអង់គ្លេស ទាំងនឹកស្មានមិនដល់។
ភ្នាក់ងារដាក់លក់ដេញថ្លៃ Hansons ជឿជាក់ថាថូនេះបានបង្កើតឡើងក្នុងរជ្ជកាលអធិរាជ Emperor Qianlong ឆ្នាំ ១៧៣៥ ដល់ ១៧៩៩។
ដំបូងគេដាក់តម្លៃត្រឹមតែ ៣០ម៉ឺន ទៅ ៥០ម៉ឺនផោនប៉ុណ្ណោះ មុនដេញថ្លៃយកនៅទីក្រុង Derby ។ បើតាមប្រភព គ្រួសារម្ចាស់ថូដើមបានទទួលថូនេះពីអ៊ំស្រីរបស់ខ្លួនកាលពីឆ្នាំ១៩២០ ពេលគាត់នៅរស់ ក្នុងសង្កាត់ Cornwall និងបានប្រើជាឧបករណ៍លម្អ និងទប់ទ្វារផ្ទះរយៈពេល ៣៦ឆ្នាំ។
ចំណែកលោក Cheales Hanson អ្នកគ្រប់គ្រងភ្នាក់ងារ Hansons និយាយថា "យើងមានអ្នកទិញចាប់អារម្មណ៍ជាច្រើនមកពីប្រទេសចិន តៃវ៉ាន់ និងហុងកុង ហើយពេលនេះថូបុរាណផលិតពីព័រសឺឡែនខាងលើមានគេទូរសព្ទកក់ទុកហើយជាមួយតម្លៃដ៏ខ្ពស់មិនគួរឲ្យជឿ៕
ចុចអាន៖ ថូផ្កាបុរាណសម័យថ្មី បង្ហាញគំនិតដេគ័របែបកាលីប
ចុចអាន៖ អត់លុយចូលពេទ្យ ក៏ប្រឹងព្យាបាលតាមបែបបុរាណ
ប្រែសម្រួល៖ ឡេង ភារុណ ប្រភព៖ Telegraph