អង់គ្លេសកំពុងកាន់ទុក្ខការចាកចេញពី EU តែនិស្សិតអាស៊ីកំពុងសប្បាយចិត្ត

2016-07-05 21:00:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈប្រជាជនអង់គ្លេសជាច្រើនកំពុងកើតទុក្ខដោយការចាកចេញពីសហភាពអឺរ៉ុប (EU) តែចំពោះនិស្សិតអន្តរជាតិពិសេសមកពីអាស៊ីវិញ បាននាំគ្នាសាទរគ្រប់គ្នា ព្រោះការធ្លាក់ថ្លៃក្រដាសប្រាក់ផោន។

ការសាទរនេះកើតមានឡើង ដោយសារពួកគេនឹងទទួលបានតម្លៃបង់ចូលរៀនថ្នាក់ឧត្ដមសិក្សា និងការចាយវាយប្រចាំថ្ងៃកាន់តែទាបជាងមុន។ កត្តានេះនឹងធ្វើឲ្យនិស្សិតក្នុងប្រទេសពុំមែនជាសមាជិកសហភាពអឺរ៉ុប មកសិក្សានៅអង់គ្លេសកាន់តែច្រើនថែមទៀត។

អង់គ្លេសជាប្រទេសគោលដៅសម្រាប់បន្តថ្នាក់ឧត្ដមសិក្សា ហើយពេញនិយមពីបណ្ដានិស្សិតក្នុងប្រទេសនៅអាស៊ី ដូចជាចិន ឥណ្ឌា និងម៉ាឡេស៊ីជាដើម ដើម្បីបន្តមុខវិជ្ជាពាណិជ្ជកម្ម ច្បាប់ និងសុខាភិបាល។

បើក្រឡេកទៅមើលមុនការបោះឆ្នោតប្រជាមតិចាកចេញរបស់អង់គ្លេសវិញ គេឃើញមានចំនួននិស្សិតចិនយ៉ាងច្រើនទៅសិក្សានៅទីនោះ។ ក្នុងឆ្នាំ ២០១៤ ដល់ ២០១៥ និស្សិតចិនមានចំនួន ៨៩ ៥៤០នាក់។ និស្សិតមកពីបណ្ដាប្រទេសជុំវិញពិភពលោកមានចំនួន ១ភាគ៥ និង ១ភាគ៣ មិនមែនជានិស្សិតនៃប្រទេសសមាជិកសហភាពអឺរ៉ុប។

និស្សិតចិនម្នាក់បានប្រាប់ថា ពីមុនក្នុងមួយឆ្នាំៗ ខ្លួនចំណាយលើការបង់ថ្លៃសិក្សា និងស្នាក់នៅប្រមាណ ១៩៨ ៨៥០យ័ន តែពេលនេះអស់ត្រឹមតែ ១៨០ ៤០០យ័នប៉ុណ្ណោះ៕