”Shine of Hope” អត្ថន័យជ្រៅ

2014-10-30 19:18:52
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីអភិវឌ្ឍន៍យុវជនដែលគាំទ្រដោយ វិទ្យាស្ថានភាសាបរទេសនឹងរៀបចំការប្រគំតន្ត្រីមានឈ្មោះថា "Shine of Hope” ដែលប្រព្រឹត្តទៅថ្ងៃទី ១ វិច្ឆិកា ឆ្នាំ ២០១៤ ខាងមុខចាប់ពីម៉ោង ១៣:០០ រហូតដល់ម៉ោង ១៨:០០ នៅមជ្ឈមណ្ឌលសហប្រតិបត្តិការកម្ពុជាកូរ៉េ (CKCC)។

អ្នករៀបចំកម្មវិធីបានឲ្យដឹងថា ការប្រគំតន្ត្រីសប្បុរសធម៌នេះក្នុងគោលបំណងជួយដល់កុមារកំព្រានិងកុមារស្ថិតក្នុងបន្ទាត់ក្រីក្រដែលគ្មានលទ្ធផលភាពបន្តការសិក្សា។

គោលបំណងសំខាន់ៗ គឺ រៃអង្គាសថវិកាជួយដល់ក្មេងៗក្រីក្រនៅខេត្តសៀមរាប សាងសង់បណ្ណាល័យសម្រាប់សិស្សនៅបាត់ដំបង ផ្ដល់សម្ភារដល់ក្មេងៗក្រីក្រដើម្បីលើកទឹកចិត្តឲ្យពួកគេទៅរៀន ចែករំលែកបទពិសោធន៍ ភ្ជាប់ទំនាក់ទំនងរវាងយុវជន និង លើកកម្ពស់នៃការថែទាំសុខភាព ជាដើម។ មួយផ្នែកទៀតនៃ កម្មវិធី គឺជាសកម្មភាពទ្រទ្រង់ដល់សង្គមជាតិក្នុងការលើកកម្ពស់សកម្មភាព និង បង្កើតបរិយាកាសឲ្យសប្បាយរីករាយ។ ការសម្ដែង ក្នុងកម្មវិធី "Shine of Hope” គឺរួមមានការបង្ហាញពីសិល្បៈវប្បធម៌ សម្លៀកបំពាក់ក្នុងន័យអប់រំដល់បរិស្ថាន ការសម្ដែងក្បាច់គុនមរតកខ្មែរ ការរាំ K-Pop និង កម្មវិធីជាច្រើនទៀត។ លើសពីនេះទៅទៀត គឺដើម្បីផ្ដល់ផ្នត់គំនិតល្អដល់អ្នកជំនាន់ក្រោយ។

ដើម្បីចូលរួមក្នុងកម្មវិធីខាងលើ សំបុត្រអាចរកទិញបានពីលោក កែវ ពិទូរ្យ តាមទូរសព្ទលេខ ០៩៨ ៥៣ ០៧ ១៣ ឬ អាចទិញបាននៅមុខCKCC នាថ្ងៃប្រគំតន្ត្រីខាងលើ។ តម្លៃសំបុត្រមួយ គឺ ៤ ដុល្លារ ប៉ុន្តែទទួលបានកាដូពិសេសពីអ្នករៀបចំកម្មវិធីសម្រាប់៣០០នាក់ដំបូង។

កុំភ្លេចណាជួបគ្នាថ្ងៃទី ១ វិច្ឆិកា ឆ្នាំ ២០១៤ ខាងមុខនៅមជ្ឈមណ្ឌលសហប្រតិបត្តិការកម្ពុជាកូរ៉េ!!!