នារីចិនម្នាក់ស្ម័គ្រចិត្តអៀវមិត្តប្រុសដើរកាត់ទឹក កុំឲ្យតែស្បែកជើងសង្សារចូលទឹកខូច
- 2016-07-09 16:44:13
- ចំនួនមតិ 0 | ចំនួនចែករំលែក 0
នារីចិនម្នាក់ស្ម័គ្រចិត្តអៀវមិត្តប្រុសដើរកាត់ទឹក កុំឲ្យតែស្បែកជើងសង្សារចូលទឹកខូច
ចន្លោះមិនឃើញ
ការចុះផ្សាយរបស់សារព័ត៌មានមួយរបស់ចិន People Daily បានធ្វើឲ្យសាធារណជនមានការចាប់អារម្មណ៍លើគូសង្សារមួយគូ ដែលគេឃើញភាគីខាងស្រីសុខចិត្តអៀវបុរសជាសង្សារដើរលុយទឹក ឆ្លងកាត់ផ្លូវ។
ទិដ្ឋភាពខាងលើត្រូវគេថតបាននៅទីក្រុងវ៉ូហាន ក្នុងខេត្ត ហូប៊ៃ ដែលជាខេត្តមួយកំពុងជួបប្រទះបញ្ហាគ្រោះទឹកជំនន់យ៉ាងធ្ងន់ធ្ងរ។ នៅពេលសារព័ត៌មានក្នុងស្រុកចិន បានស្កាត់ជួបសួរនាំនារីអៀវសង្សារថាហេតុអ្វីបានជាធ្វើបែបនោះ? នាងបានតបថា៖ “ខ្ញុំពេលនោះពាក់ស្បែកជើងសង្រែក ហើយមិត្តប្រុសខ្ញុំពាក់ស្បែកជើងស្បែក បើត្រូវទឹកអាចខូចបាន ដូច្នេះខ្ញុំសម្រេចចិត្តអៀវគាត់តែម្ដងទៅ “។
រូបភាពរបស់គូសង្សារខាងលើត្រូវបានចែកចាយតៗគ្នាជាច្រើនលើបណ្ដាញអ៊ីនធឺណិតចិន។ មានអ្នកបង្ហាញមតិរិះគន់ច្រើនលើគូស្នេហ៍ទាំងពីរ ជាពិសេសភាគីខាងបុរស។
អ្នកបញ្ចេញមតិម្នាក់ឈ្មោះ Randy Leyva បានសរសេរលើអ៊ីនធឺណិតថា៖ "គាត់(បុរសជាសង្សារ) អាចដោះស្បែកជើងហ្នឹងកាន់បាន ហើយនាំមិត្តស្រីគាត់ដើរទៅ"។
អ្នកបញ្ចេញមតិម្នាក់ទៀតបានលើកឡើងថា៖ "គាត់នោះមើលទៅមិនមែនជាប្រុសទេ បើមែនក៏គួរឲ្យខ្មាសគេដែរ។ ឯនារីជាសង្សារដាក់ខ្លួនពេកហើយ"។
ប្រទេសចិនថ្មីៗនេះកំពុងជួបគ្រោះទឹកជំនន់ដ៏ធ្ងន់ធ្ងរបំផុតមួយ គឺលិចលង់ចំនួន ២៦ខេត្តនៅទូទាំងប្រទេស ដោយសារធ្លាក់ភ្លៀងខ្លាំងនៅប៉ុន្មានថ្ងៃជាប់ៗគ្នា៕
ចុចអាន៖ ស្ម័គ្រអៀវមិត្តភ័ក្ដិពិការទៅរៀនរាប់ឆ្នាំ សង្ឃឹមបានរៀនដល់វិទ្យាល័យជាមួយគ្នា
ប្រែសម្រួល៖ មាន រតនា ប្រភព៖ dailymail