ឡានក្រុងបើកហួសល្បឿនកំណត់ ចំពេល លោក ស៊ុន ចាន់ថុលឡើងជិះមិនឲ្យអ្នកបើកដឹងមុន
- 2016-07-09 23:02:44
- ចំនួនមតិ 0 | ចំនួនចែករំលែក 0
ឡានក្រុងបើកហួសល្បឿនកំណត់ ចំពេល លោក ស៊ុន ចាន់ថុលឡើងជិះមិនឲ្យអ្នកបើកដឹងមុន
ចន្លោះមិនឃើញ
លោក ស៊ុន ចាន់ថុល រដ្ឋមន្ត្រីក្រសួងសាធារណការ និង ដឹកជញ្ជូន នាថ្ងៃទី ៩ កក្កដា ឆ្នាំ២០១៦នេះ បានឡើងជិះឡានក្រុងដឹកអ្នកដំណើរពីភ្នំពេញទៅ កំពង់ធំ របស់ក្រុមហ៊ុនឯកជនមួយ ដោយមិនឲ្យអ្នកបើកបរបានដឹងជាមុន។ នេះបើតាមទំព័រ Facebook របស់ក្រសួងសាធារណការ និង ដឹកជញ្ជូន។
ឯកឧត្ដម ស៊ុន ចាន់ថុល រដ្ឋមន្ត្រីក្រសួងសាធារណការ និង ដឹកជញ្ជូន
ដោយសារតែចង់ដឹងពីការគោរពច្បាប់របស់អ្នកបើកបរក្រុមហ៊ុនឡានក្រុង ជាលទ្ធផលឡានក្រុង ដែលលោក ស៊ុន ចាន់ថុល និងក្រុមការងារជិះ បានបើកហួសល្បឿនកំណត់ ដោយបានបើកក្នុងល្បឿន ១០៧ គីឡូម៉ែត្រក្នុងមួយម៉ោង ខណៈដែលរថយន្តបើកក្រៅក្រុង ត្រូវបានអនុញ្ញាតត្រឹមល្បឿនអតិបរមា ៨០ គីឡូម៉ែត្រក្នុងមួយម៉ោង។
បន្ទាប់ពីការចុះសង្កេតមើលការគោរពច្បាប់របស់អ្នកបើកបរផ្ទាល់ លោករដ្ឋមន្ត្រី នឹងត្រូវទៅពិនិត្យស្ថានភាពផ្លូវពី កំពង់ធំ ទៅសៀមរាបផងដែរ៕
ចុចអាន៖ កម្ពុជានឹងនាំចូលរថយន្តទំនើប ២គ្រឿង ចល័តធ្វើឆៀកដល់ខេត្តតែម្ដង
អត្ថបទ៖ មាន រតនា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
