ប្រពន្ធខ្លោចចិត្តពេលឃើញប្ដីជាម្ចាស់ជើងឯកសម្ដែងជាមួយគោ ត្រូវគោវ័ធស្លាប់
- 2016-07-11 15:37:25
- ចំនួនមតិ 0 | ចំនួនចែករំលែក 0
ប្រពន្ធខ្លោចចិត្តពេលឃើញប្ដីជាម្ចាស់ជើងឯកសម្ដែងជាមួយគោ ត្រូវគោវ័ធស្លាប់
ចន្លោះមិនឃើញ
ម្ចាស់ជើងឯកកីឡាចាក់គោអេស្ប៉ាញលោកVictor Barrio ត្រូវគោវ័ធដល់ស្លាប់ពេលសម្ដែងនៅលើឆាក ធ្វើឲ្យភរិយាកំពុងទស្សនាអាណិតខ្លោចចិត្ត ស្ទើរគាំងបេះដូង កាលពីថ្ងៃសៅរ៍។
ម្ចាស់ពានលោក Victor Barrio អាយុ ២៩ឆ្នាំ បានដួលផ្ទប់នឹងដី បន្ទាប់ពីគោតូរ៉ូទម្ងន់ជាង ៥៥០គីឡូក្រាម វ័ធពេញទំហឹង ពេលសម្ដែងនៅមុខមហាជន។ លោកត្រូវបានគេបញ្ជូនទៅកាន់មន្ទីរពេទ្យភ្លាមៗទាំងសន្លប់បាត់បង់ស្មារតី ប៉ុន្តែក្រុមវេជ្ជបណ្ឌិតអេស្ប៉ាញមិនអាចជួយសង្គ្រោះជីវិតគាត់បានឡើយ។
បើតាមសម្ដីវេជ្ជបណ្ឌិត អះអាងថា Barrio ត្រូវគោវ័ធនឹងស្នែងស្រួចចំទ្រូងខាងស្ដាំ មុតដល់សួត ហើយបេះដូងលែងដំណើរការពេលបញ្ជូនទៅកាន់មន្ទីរពេទ្យ។
អ្នកស្រី Raquel អាយុ ៣២ឆ្នាំ បានសរសេរលើ Twitter ក្រោយបាត់បង់ប្ដីថា "អរគុណគ្រប់គ្នា ខ្ញុំមិនអាចឆ្លើយតបបងប្អូនបានទេ។ ខ្ញុំអួលដើមករកនិយាយអ្វីមិនចេញឡើយ។ ជីវិតរបស់ខ្ញុំបានរសាត់អណ្ដែតហើយ ខ្ញុំគ្មានកម្លាំងក្នុងខ្លួន តែអរគុណគ្រប់គ្នាចំពោះការជូនពរ"។
ទោះជាយ៉ាងណា កីឡាចាក់គោ ជាកីឡាពេញនិយម មួយនៅប្រទេសអេស្ប៉ាញ តែមានអ្នកចូលលេងស្លាប់ប្រមាណ ១០នាក់ក្នុងមួយឆ្នាំៗ៕ សូមទស្សនាវីដេអូខាងក្រោម៖
ប្រែសម្រួល៖ ឡេង ភារុណ ប្រភព៖ Dailymail