LaFerrari ជំនាន់ពិសេស មិនទាន់បង្ហាញជាផ្លូវការ តែលក់អស់គ្មានសល់
- 2016-07-11 16:43:06
- ចំនួនមតិ 0 | ចំនួនចែករំលែក 0
LaFerrari ជំនាន់ពិសេស មិនទាន់បង្ហាញជាផ្លូវការ តែលក់អស់គ្មានសល់
ចន្លោះមិនឃើញ
ថ្មីៗនេះក្រុមហ៊ុនរថយន្ត Ferrari បានបញ្ចេញរូបភាពចំនួនបីសន្លឹក ដែលបង្ហាញពីរូបរាងដ៏ស្រស់ស្អាតនៃ LaFerrari ជំនាន់ពិសេសផលិតដោយមានចំនួនកំណត់។
ក្រៅពីបញ្ចេញរូបភាពក្រុមហ៊ុនមិនបានបង្ហើបឲ្យដឹងពីព័ត៌មានសំខាន់ៗដទៃទៀតដូចជា តម្លៃ, ឈ្មោះ, លក្ខណៈបច្ចេកទេស, ផលិតប៉ុន្មានគ្រឿង និង ចេញលក់ពេលណានោះទេ។ ប៉ុន្តែគេបានដឹងថារថយន្តនេះនឹងមានម៉ាស៊ីនដូចនឹង LaFerrari ស៊េរីដើម ដោយមានកម្លាំង ៩៤៩ សេះ បានពីម៉ាស៊ីន V12 ទំហំ ៦,៣ លីត្រ បូករួមម៉ូទ័រអគ្គិសនី ១២០ គីឡូវ៉ាត់។ ចំណុចពិសេសមួយទៀតគឺអាចបង្កើនសន្ទុះពី ០-៩៦ គ.ម/ម៉ ប្រើពេល ២,៤ វិនាទី និងមានល្បឿនអតិបរមា ៣៤៩ គ.ម/ម៉។
ក្រុមហ៊ុន Ferrari ឲ្យដឹងថាឈ្មោះ តម្លៃ និង ព័ត៌មានដទៃទៀត នឹងប្រកាសនៅកម្មវិធី Paris Motor Show ក្នុងខែតុលា។ ប៉ុន្តែការប្រកាសនេះហាក់ដូចគ្មានន័យព្រោះថា រថយន្ត LaFerrari ជំនាន់ថ្មីនេះមានម្ចាស់អស់ទៅហើយ៕
ចុចអាន៖ Toyota រួមជាមួយ BMW បង្កើតរថយន្ត ដ៏អស្ចារ្យ
ប្រែសម្រួល៖ ហៃ សុខហេង ប្រភព៖ TheVerge