លក្ខណៈសម្បត្តិដែលអ្នកជំនាញវាយតម្លៃអចលនទ្រព្យគួរមាន
- 2016-07-11 17:47:07
- ចំនួនមតិ 0 | ចំនួនចែករំលែក 0
លក្ខណៈសម្បត្តិដែលអ្នកជំនាញវាយតម្លៃអចលនទ្រព្យគួរមាន
ចន្លោះមិនឃើញ
អ្នកអាជីពផ្នែកវាយតម្លៃអចលនទ្រព្យនៅកម្ពុជា គឺពុំមានច្រើននោះទេ។ បើនិយាយពីសាលាបង្រៀនពីជំនាញនេះទៀតសោតក៏ពុំទាន់មានដែរ។ ដូច្នេះប្រសិនបើបុគ្គលម្នាក់ស្រលាញ់ហើយចង់ក្លាយជាអ្នកជំនាញវាយតម្លៃអចលនទ្រព្យម្នាក់ តើគេគួរមានលក្ខណៈសម្បត្តិបែបណាខ្លះ?
ប្រធានសមាគមអ្នកវាយតម្លៃនិងភ្នាក់ងារអចលនទ្រព្យកម្ពុជា ( CVEA) លោក គឹម ហ៊ាង បានប្រាប់ថា គឺត្រូវទាមទារកត្តាជាច្រើនក្នុងការក្លាយជាអ្នកជំនាញវាយតម្លៃអចលនទ្រព្យម្នាក់ ដែលរួមមាន៖
-ចំណេះដឹងទូទៅ។ យ៉ាងហោចណាស់ ត្រូវបញ្ចប់ថ្នាក់បរិញ្ញាបត្រដែលសិក្សាជំនាញទាក់ទងនឹងសេដ្ឋកិច្ច ពាណិជ្ជកម្ម សំណង់ឬច្បាប់ជាដើម។
-ចំណេះដឹងភាសាបរទេសបានល្អ។ នៅក្នុងការងារការវាយតម្លៃអចលនទ្រព្យ គេប្រើភាសាបរទេស ពិសេសភាសាអង់គ្លេសនេះដើម្បីងាយស្រួលទំនាក់ទំនងជាមួយអ្នកជំនាញនៅបរទេស ស្រាវជ្រាវឯកសារផងដែរ។
-មានចំណេះដឹងផ្នែកដីធ្លី។ ទោះនៅកម្ពុជា ពុំទាន់មានសាលាបើកបង្រៀនជំនាញនេះក្តី តែលោកអ្នកអាចទទួលបានតាមរយៈការចូលរួមសិក្ខាសាលានានាពាក់ព័ន្ធនឹងអចលនទ្រព្យ ដែលរៀបចំដោយក្រុមហ៊ុន ឬសមាគមណាមួយ។
-មានបទពិសោធន៍ពាក់ព័ន្ធនឹងការវាយតម្លៃលើអចលនទ្រព្យ២ឆ្នាំឡើងទៅ។ លោក គឹម ហ៊ាង បញ្ជាក់ថា ទោះលោកអ្នកបានបញ្ចប់ការសិក្សាថ្នាក់បណ្ឌិតក៏ដោយ តែបើគ្មានការប្រឡូកវាយតម្លៃលើអចលនទ្រព្យនោះទេ នោះមិនអាចបំពេញការងារនេះបានល្អនោះឡើយ។
ម្ល៉ោះហើយ លោកអ្នកអាចទទួលបទពិសោធន៍នេះតាមរយៈការធ្វើការនៅតាមក្រុមហ៊ុនពាក់ព័ន្ធនានា២ឆ្នាំឡើងទៅ។
អត្ថបទ៖ លឹម សុនា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
