អីយ៉ា! និស្សិតផ្នែកឱសថចិន លួចចម្លងស្ទើរទាំងអស់ពេលប្រលងថ្នាក់ជាតិ

2014-10-30 22:38:33
ចំនួនមតិ 0 | ចំនួនចែករំលែក 0

ចន្លោះមិនឃើញ

និស្សិតផ្នែកឱសថប្រមាណ ២៥០០នាក់នៅចិន ត្រូវគេចាប់បានថាលួចចម្លងចម្លើយប្រលង តាមរយៈកាសពាក់ជាប់ត្រចៀក និងប្រដាប់លុបអេឡិចត្រូនិក។

គណៈមេប្រយោគ បានរកឃើញរលកសញ្ញាខុសប្លែកពីធម្មតា ក្នុងមណ្ឌល ៧កន្លែង ដែលមាននិស្សិតជាង ២៥០០នាក់ កំពុងប្រលងយកលិខិតបញ្ជាក់ថ្នាក់ជាតិ។ បន្ទាប់មក គេបានធ្វើការស្រាវជ្រាវរកឃើញថា ក្នុងចំណោមនិស្សិតទាំងអស់នោះ មាន ២៤៤០នាក់ បានប្រើកាសពាក់ត្រចៀកដើម្បីទទួលចម្លើយ។ ក្រោយពីបែកធ្លាយរឿងអាស្រូវ និស្សិតទាំងនោះនឹងត្រូវធ្លាក់ដោយស្វ័យប្រវត្តិ ហើយពិន័យមិនឲ្យចូលរួមប្រលងរយៈពេល ២ឆ្នាំ។

ការប្រលងនេះ ធ្វើឡើងដើម្បីទទួលលិខិតបញ្ជាក់បើកឱសថស្ថានស្របច្បាប់ បន្ទាប់ពីមានកំណែទម្រង់ច្បាប់ស្ដីពីការគ្រប់គ្រងឱសថ។ ចំពោះអ្នកបើកឱសថស្ថាន មិនទាន់មានលិខិតបញ្ជាក់ ត្រូវធ្វើយ៉ាងណាទទួលបានក្នុងឆ្នាំ២០១៥ បើមិនដូច្នោះទេ គេនឹងបិទអាជីវកម្ម។

អាជ្ញាធរចិន ជឿថាកាលបរិច្ឆេទនេះក៏ជាផ្នែកមួយ ដែលធ្វើឲ្យនិស្សិតនាំគ្នាលួចចម្លងស្ទើរទាំងអស់បែបនេះ។ ចំពោះឱសថស្ថាននៅក្នុងខេត្តសានស៊ីជាង ៨៥០០កន្លែង មានត្រឹម ៤០០០កន្លែងប៉ុណ្ណោះដែលមានលិខិតអនុញ្ញាតស្របច្បាប់។

ចុចអាន៖ លទ្ធផលបាក់ឌុបជាប់ ឬធ្លាក់ នឹងដឹងនៅថ្ងៃស្អែកនេះ!

ចុចអាន៖ ក្រោយបញ្ចប់ការប្រលង សិស្សខ្លះសង្ឃឹម ខ្លះគ្មានសូម្បីបន្តិច

ប្រែសម្រួល៖ គង់ វិសាល

ប្រភព៖ shanghaiist