សំឡេងរំខានពីចរាចរណ៍បង្កហានិភ័យខ្ពស់ សម្រាប់ជំងឺគាំងបេះដូង

2016-07-12 13:05:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសិក្សាថ្មីមួយ ដែលបានចុះផ្សាយនៅលើទស្សនាវដ្ដី Deutsches Ärzteblatt International បានរកឃើញថា ការប៉ះពាល់នៃសំឡេងរំខានពីចរាចរណ៍ អាចបង្កើនហានិភ័យនៃជំងឺគាំងបេះដូងបាន។ ក្រុមអ្នកស្រាវជ្រាវក៏បានរកឃើញដែរថា អ្នកដែលរស់នៅក្បែរផ្លូវធំ ឬផ្លូវរថភ្លើង គឺប្រឈមនឹងហានិភ័យខ្លាំងបំផុត។

សំឡេងរំខានពីរថយន្ត រថភ្លើង ឬយន្តហោះ អាចធ្វើឲ្យរាងកាយមានភាពតានតឹង បង្កឲ្យកើតមានហានិភ័យខ្ពស់ នៃការគាំងបេះដូង។ ការសិក្សាមុនៗក៏បានរកឃើញដែរថា សំឡេងរំខានបែបនេះអាចបណ្ដាលឲ្យ កើតមានហានិភ័យនៃជំងឺដាច់សរសៃឈាមខួរក្បាល និងឆាប់ស្លាប់ទៀតផង។

ក្រុមស្រាវជ្រាវនេះបានត្រួតពិនិត្យទិន្នន័យពី ក្រុមហ៊ុនធានារ៉ាប់រងសុខភាពរដ្ឋ ទៅលើប្រជាជនអាល្លឺម៉ង់រាប់លាននាក់ ដែលកំពុងរស់នៅក្នុងតំបន់ Rhine-Main ក្នុងប្រទេសអាល្លឺម៉ង់ ខណៈតំបន់មួយនេះរងការរំខានពី ដងផ្លូវ ផ្លូវរថភ្លើង និងសំឡេងចរាចរណ៍ខ្លាំង។ ក្នុងការវិភាគទៅលើអ្នកជំងឺដែលបានស្លាប់ ដោយសារតែគាំងបេះដូង ក្នុងអំឡុងឆ្នាំ២០១៤ និង ២០១៥ មូលហេតុសំខាន់ដែលត្រូវបានគេរកឃើញគឺ ការប៉ះពាល់នៃសំឡេងរំខាន និងហានិភ័យនៃជំងឺគាំងបេះដូង។ ជាមួយគ្នានេះដែរ ពួកគេបានរកឃើញថា សំឡេងរំខានពីយន្តហោះ គឺមានកម្រិតទាបបំផុត បើប្រៀបធៀបទៅនឹង សំឡេងចរាចរណ៍តាមដងផ្លូវធម្មតា និងផ្លូវរថភ្លើង។ អ្នកវិទ្យាសាស្ត្របាននិយាយថា ពួកគេបានរកឃើញទំនាក់ទំនងរវាងផលប៉ះពាល់ នៃសំឡេងរំខាន និងហានិភ័យនៃជំងឺគាំងបេះដូង ដែលបង្កឡើងដោយសារតែ ការកើនឡើងនៃភាពតានតឹង នៅក្នុងផ្លូវចិត្ត និងរាងកាយ។

លោកវេជ្ជបណ្ឌិត Dr Andrea Seidler នៃសកលវិទ្យាល័យ Technical University Dresden បាននិយាយថា «សំឡេងរំខាននៃចរាចរណ៍អាចបង្កឲ្យមានប្រតិកម្មស្មុគស្មាញក្នុងផ្លូវចិត្ត និងរាងកាយ»។ លោកវេជ្ជបណ្ឌិតបានបន្ថែមទៀតថា «វាធ្វើឲ្យប្រព័ន្ធប្រសាទ បង្កើនសម្ពាធឈាម និងជីពចរ រហូតអាចបំផ្លាញប្រព័ន្ធសរសៃឈាមបេះដូង ទៀតផង»៕

ប្រែសម្រួល ៖ សេង ឡុង ប្រភព ៖ dailymail

ពាក្យទាក់ទង

សុខភាព និងសម្រស់

អត្ថបទពេញនិយម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

អត្ថបទថ្មី

Pep មិនទាន់សម្រេចអនាគត Joao Cancelo នៅ Man City ទេ

Xavi នឹងបន្តដឹកនាំក្លឹប Barca ១រដូវកាលទៀត

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ