Amazon នឹងសង់ព្រៃសិប្បនិម្មិត ឲ្យបុគ្គលិកលំហែខួរក្បាល
- 2016-07-12 17:13:43
- ចំនួនមតិ 0 | ចំនួនចែករំលែក 0
Amazon នឹងសង់ព្រៃសិប្បនិម្មិត ឲ្យបុគ្គលិកលំហែខួរក្បាល
ចន្លោះមិនឃើញ
ក្រុមហ៊ុនបច្ចេកវិទ្យាយក្ស Amazon បានបង្ហាញឲ្យដឹងពីគម្រោងការសង់ព្រៃសិប្បនិម្មិតដ៏អស្ចារ្យមួយសម្រាប់ឲ្យបុគ្គលិកលំហែខួរក្បាល នៅម៉ោងសម្រាក។
ព្រៃសិប្បនិម្មិតនេះជាផ្នែកមួយទីស្នាក់ការថ្មីរបស់ Amazon ដែលចំណាយទុនសាងសង់អស់ ៤ ពាន់លានដុល្លារ ដោយមានទីតាំងនៅក្នុងទីក្រុង Seattle រដ្ឋវ៉ាស៊ីនតោន។ នៅពេលបញ្ចប់ការសាងសង់នៅដើមឆ្នាំ ២០១៨ ព្រៃសិប្បនិម្មិតនេះនឹងមានផ្ទុកដោយរុក្ខជាតិចំនួន ៣០០០ ប្រភេទផ្សេងៗគ្នា ដែលបច្ចុប្បន្នរុក្ខជាតិទាំងនោះកំពុងដាំនៅក្នុងផ្ទះបៃតងមួយ ក្រៅក្រុង Seattle។
តាមការសិក្សារបស់សកលវិទ្យាល័យ Exeter កាលពីឆ្នាំ ២០១៣ បានរកឃើញថាកន្លែងធ្វើការដែលមានទៅដោយរុក្ខជាតិបៃតងៗជួយបង្កើន សុខុមាលភាព ៤៧%, គំនិតច្នៃប្រឌិត ៤៥% និងផលិតភាពការងារចំនួន ៣៨%៕
ចុចអាន៖ គណនី Amazon ចំនួន ៨០ ០០០ ត្រូវគេ Hack
ប្រែសម្រួល៖ ហៃ សុខហេង ប្រភព៖ HuffingtonPost