ផ្លែទទឹមជួយឲ្យអាយុវែង និងអត្ថប្រយោជន៍អស្ចារ្យជាច្រើនទៀត
- 2016-07-12 21:17:12
- ចំនួនមតិ 0 | ចំនួនចែករំលែក 0
ផ្លែទទឹមជួយឲ្យអាយុវែង និងអត្ថប្រយោជន៍អស្ចារ្យជាច្រើនទៀត
ចន្លោះមិនឃើញ
នាពេលថ្មីៗនេះ ក្រុមអ្នកវិទ្យាសាស្ត្រប្រទេសស្វីស បានរកឃើញថាគ្រាប់ទទឹមមានផ្ទុកសារធាតុបំប៉នដ៏អស្ចារ្យមិនគួរឲ្យជឿ ដែលអាចជួយឲ្យសាច់ដុំរឹងមាំ និងពន្យារអាយុជីវិតបានយ៉ាងប្រសើរ។
ក្រុមអ្នកជំនាញនេះ បានធ្វើពិសោធន៍ទៅលើកណ្ដុរ និងដង្កូវ ដោយទទួលលទ្ធផលល្អគួរឲ្យភ្ញាក់ផ្អើល ហើយពេលនេះ គេកំពុងពិសោធន៍ទៅលើមនុស្សវិញម្ដង។
អ្នកវិទ្យាសាស្ត្រដដែលនិយាយថា "យើងជឿជាក់លើការសិក្សាស្រាវជ្រាវនេះ គឺជាការវិវឌ្ឍទៅមុខនៃការរកឃើញវិធីពន្យារភាពចាស់យ៉ាងមានប្រសិទ្ធភាព"។ តើក្នុងគ្រាប់ទទឹមមានផ្ទុកសារធាតុពិសេសអ្វី ទើបអាចជួយប្រឆាំងភាពចាស់បាន?
ពិតណាស់ ទទឹមមួយផ្លែ ឬមួយគ្រាប់ សុទ្ធតែមានសារធាតុចិញ្ចឹមល្អប្រសើរ ដែលគេមិនគួរមើលរំលង ព្រោះវាអាចផលិតម៉ូលេគុលម្យ៉ាងប្រឆាំងភាពចាស់ ដែលគេឲ្យឈ្មោះថា "urolithin A” នៅពេលវាមានប្រតិកម្មជាមួយពពួកមីក្រុបក្នុងពោះវៀន។
នៅក្នុងពិសោធន៍មួយ ដង្កូវដែលត្រូវគេចាក់សារធាតុ Urolithin A អាចរស់នៅបានយូរជាងដង្កូវធម្មតាដល់ទៅ ៥០% ឯកណ្ដុរវិញ អាចរស់នៅបានយូរជាង ៤២% ក្រោយពិសោធន៍រយៈពេល ៦សប្ដាហ៍។ ការសាកល្បងទៅលើមនុស្សកំពុងដំណើរការ ដោយពួកគេសង្ឃឹមថានឹងទទួលបានជោគជ័យឆាប់ៗ។
ផ្លែទទឹមធ្លាប់ត្រូវបានគេទទួលស្គាល់ថា មានអត្ថប្រយោជន៍យ៉ាងច្រើនចំពោះសុខភាព រួមទាំងរក្សាសម្ពាធឈាមឲ្យនៅទាប ឆ្អឹងរឹងមាំ ហើយទឹករបស់វាអាចជាភេសជ្ជៈពេញនិយមពេលព្រឹកដ៏ល្អថែមទៀត។
ដោយមើលឃើញពីអត្ថប្រយោជន៍ទាំងនេះ ក្រុមហ៊ុន Ecole Polytechnique Fédérale de Lausanne ប្រទេសស្វីស នឹងផលិតគ្រាប់ថ្នាំមានជីវជាតិ Urolithin A តែម្ដង បើការពិសោធន៍លើមនុស្ស ៣០នាក់ទទួលបានជោគជ័យ ហើយនឹងដាក់លក់ឲ្យសាធារណជនបានប្រើទៀតផង៕
ចុចអាន៖ អត្ថប្រយោជន៍សុខភាពមិននឹកស្មានដល់ពីផ្លែស្រកានាគ
ចុចអាន៖ ញ៉ាំផ្សិតជួយសម្រកទម្ងន់ ការពារជំងឺទឹកនោមផ្អែម និងមហារីក
ប្រែសម្រួល៖ ឡេង ភារុណ ប្រភព៖ Dailymail