តុលាការក្រុងឡាអេ កាត់ក្ដីឲ្យហ្វីលីពីនឈ្នះចិន រឿងសមុទ្រចិនខាងត្បូង
- 2016-07-13 00:12:24
- ចំនួនមតិ 0 | ចំនួនចែករំលែក 0
តុលាការក្រុងឡាអេ កាត់ក្ដីឲ្យហ្វីលីពីនឈ្នះចិន រឿងសមុទ្រចិនខាងត្បូង
ចន្លោះមិនឃើញ
តុលាការមជ្ឈត្តកម្មអចិន្ត្រៃយ៍ ទីក្រុងឡាអេ ប្រទេសហូឡង់ បានប្រកាសសាលក្រមតាមបណ្ដឹងរបស់រដ្ឋាភិបាលហ្វីលីពីន នៅថ្ងៃទី ១២កក្កដានេះឲ្យហ្វីលីពីនឈ្នះចិន ដោយថា ចិនគ្មានភស្តុតាងណាបញ្ជាក់ថា តំបន់លើសមុទ្រចិនខាងត្បូងទាំងអស់ ជាដែនទឹករបស់ខ្លួនឡើយ។
ការដាក់ពាក្យបណ្ដឹងនេះធ្វើឡើង ក្រោយពីចិនធ្លាប់អះអាងថា តំបន់ស្ទើរទាំងស្រុងក្នុងសមុទ្រចិនខាងត្បូង រួមទាំងថ្មប៉ប្រះទឹក និងប្រជុំកោះជាច្រើនទៀតក្នុងសមុទ្រ ជារបស់ចិនតែម្នាក់។ តុលាការក្រុងឡាអេ បញ្ជាក់ថា ប្រទេសចិនបានរំលោភអធិបតេយ្យភាពរបស់ប្រទេសហ្វីលីពីន ហើយចិនបានបំផ្លាញយ៉ាងធ្ងន់ធ្ងរ ដល់ថ្មប៉ប្រះទឹក ដោយការសាងសង់កោះសិប្បនិមិត្ត។
សេចក្ដីសម្រេចនេះ ធ្វើឡើងដោយយោងទៅតាមអនុសញ្ញាអង្គការសហប្រជាជាតិស្ដីពីច្បាប់សមុទ្រ ឬហៅ (UNCLOS) ដែលប្រទេសទាំងពីរបានចុះហត្ថលេខា៕
ប្រែសម្រួល៖ ឡេង ភារុណ ប្រភព៖ BBC