UEFA បាន​​បង្ហាញ​លទ្ធផល​​កីឡាករ​ដែល​លេង​ល្អ​បំផុត​នៅ​ Euro 2016​ ប៉ុន្តែ​ក្នុង​ចំណោម​កីឡាករ​ល្អៗ​បំផុត​៥​នាក់​ ពុំ​មាន​ឈ្មោះ​​ប្រធាន​ក្រុម​ជម្រើស​ជាតិ​ព័រទុយហ្គាល់​ Cristiano Ronaldo ឡើយ ទោះ​ក្រុម​ព័រទុយហ្គាល់​ឈ្នះ​ពាន​រង្វាន់​ក៏​ដោយ។

Cristiano Ronaldo ប្រធាន​ក្រុម​ជម្រើស​ជាតិ​ព័រទុយហ្គាល់​

បើ​តាម​តារាង​ UEFA Player Barometer បាន​បង្ហាញ​ឲ្យ​ឃើញ​ថា ខ្សែ​បម្រើ​ Dimitri Payet ​របស់​បារាំង​ ស្ថិត​នៅ​ចំណាត់​ថ្នាក់​លេខ​១, ខ្សែ​បម្រើ​ Antoine Griezmann ​របស់​បារាំង ដែល​ជា​​ម្ចាស់​ស្បែក​ជើង​មាស បាន​លេខ​២, Gareth Bale ​តារា​ឆ្នើម​​ក្រុម​វែល​ បាន​លេខ​៣, ខ្សែ​បម្រើ​ Toni Kroos ​របស់​អាល្លឺម៉ង់ ទទួល​បាន​លេខ​៤ និង​​​​លេខ​៥ បាន​លើ​ខ្សែ​បម្រើ​បែលហ្សិក​ Kevin De Bruyne។ រីឯ​ CR7 បាន​ចំណាត់​ថ្នាក់​លេខ​៧ ក្រោម​ Eden Hazard របស់​បែលហ្សិក​​ នៅ​លេខ​៦។

ការ​វាយ​តម្លៃ​កីឡាករ​ល្អ​បំផុត​នៅ​ Euro 2016 របស់​ UEFA Player Barometer គឺ​គិត​លើ​ទម្រង់​លេង​ជាក់​ស្ដែង​​របស់​កីឡាករ​​ទាំង​​អស់​ ដោយ​មាន​ស្ថិតិ​ច្បាស់​លាស់ រួម​មាន​ទាំង​ការ​ស៊ុត​បញ្ចូល​ទី Assists ​​ការ​ប្រជែង​យក​បាល់ សហការ​ជាមួយ​មិត្ត​រួម​ក្រុម​បាន​ល្អ...និង​គិត​លើ​បញ្ហា​របួស​ផង​ដែរ៕

ប្រែ​សម្រួល៖ វិន ជីវ័ន្ត ប្រភព៖ Goal | UEFA