ដាក់ថ្នាំគ្រាប់អាស្ពីរីនចូលពេលបោកខោអាវ លទ្ធផលនឹងធ្វើឲ្យអ្នកភ្ញាក់ផ្អើល
- 2016-07-13 22:05:11
- ចំនួនមតិ 0 | ចំនួនចែករំលែក 0
ដាក់ថ្នាំគ្រាប់អាស្ពីរីនចូលពេលបោកខោអាវ លទ្ធផលនឹងធ្វើឲ្យអ្នកភ្ញាក់ផ្អើល
ចន្លោះមិនឃើញ
តើស្នាមប្រឡាក់នៅលើសំលៀកបំពាក់ពណ៌សរបស់អ្នក ពិតជារំខាន និងធ្វើឲ្យអ្នកពិបាកបោកគក់ខ្លាំងណាស់មែនទេ? អ្នកប្រាកដជាដឹងហើយថា ស្នាមប្រឡាក់នៅលើសំលៀកបំពាក់ពណ៌ស គឺពិតជាពិបាកបោកគក់ខ្លាំងណាស់ ហើយបើអ្នកទុកវាចោលយូរ សំលៀកបំពាក់ពណ៌សទាំងនោះ អាចនឹងប្រែពណ៌ទៅជាពណ៌លឿង ប្រផេះ ឬចេញពណ៌ផ្សេងៗ។ ល្បិចដ៏សាមញ្ញមួយ ដែលនឹងជួយអ្នកក្នុងការបោកគក់សំលៀកបំពាក់ពណ៌សបានយ៉ាងស្អាតល្អនោះគឺ គ្រាន់តែប្រើប្រាស់ថ្នាំគ្រាប់អាស្ពីរីនប៉ុណ្ណោះ។ ថ្នាំគ្រាប់អាស្ពីរីន មានប្រសិទ្ធភាពខ្លាំងណាស់ ក្នុងការកម្ចាត់ស្នាមប្រឡាក់ពីសំលៀកបំពាក់ ដោយសារតែវាផ្ទុកទៅដោយ អាស៊ីដ Salicylic។ អាស៊ីដ Salicylic នេះ អាចជួយក្នុងការកម្ចាត់ស្នាមប្រឡាក់ ដោយបំបែកសមាសធាតុ ដែលបានរកឃើញនៅក្នុងញើស។
ជំហានទី១
ដាក់ថ្នាំគ្រាប់អាស្ពីរីន ៣០០មីលីក្រាម ចំនួន៥គ្រាប់ ទៅក្នុងទឹកក្តៅ ៧,៥លីត្រ រួចត្រាំសំលៀកបំពាក់ពណ៌សរបស់អ្នកនៅក្នុងនោះ ហើយទុកចោលមួយយប់។ ថ្នាំនេះនឹងរលាយ ហើយធ្វើការកាន់តែរហ័ស ប្រសិនបើអ្នកបំបែកវាជាបំណែកតូចៗ។
ជំហានទី២
យកសំលៀកបំពាក់ពណ៌សដែលបានត្រាំក្នុងទឹកថ្នាំ ដាក់ចូលក្នុងម៉ាស៊ីនបោកខោអាវ រួចដាក់បន្ថែមថ្នាំគ្រាប់អាស្ពីរីន ២ ទៅ ៣គ្រាប់បន្ថែមទៀត។ វិធីសាស្ត្រដ៏មានឥទ្ធិពលនេះ នឹងជួយស្តាភាពសនៃសំលៀកបំពាក់របស់អ្នកមកវិញតែម្តង៕
ប្រែសម្រួល ៖ សេង ឡុង ប្រភព ៖ interestingfact
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
