ក្តៅៗ! Chelsea ប្រជែងឈ្នះក្លឹបចិន ទិញបាន Kante ពី Leicester
- 2016-07-13 22:48:04
- ចំនួនមតិ 0 | ចំនួនចែករំលែក 0
ក្តៅៗ! Chelsea ប្រជែងឈ្នះក្លឹបចិន ទិញបាន Kante ពី Leicester
ចន្លោះមិនឃើញ
ក្លឹបតោខៀវ Chelsea បានព្រមព្រៀងតម្លៃជាមួយក្លឹប Leicester City ២៩លានផោន (៣៨,៣៦លានដុល្លារ) ហើយ ដើម្បីនាំយកខ្សែបម្រើជម្រើសជាតិបារាំង N'Golo Kante ទៅកាន់កីឡដ្ឋាន Stamford Bridge។
N'Golo Kante ខ្សែបម្រើជម្រើសជាតិបារាំង
Kante បានបង្ហាញទម្រង់លេងយ៉ាងល្អនៅរដូវកាលមុន ដែលជួយឲ្យក្រុម Leicester លើកពាន Premier League ហើយកន្លងមកក៏ធ្លាប់ត្រូវក្លឹបយក្សអេស្ប៉ាញ Real Madrid និង PSG ចង់បានផងដែរ ខណៈដែលក្លឹបចិន Shanghai SIPG បានដេញថ្លៃ២២លានផោនរួចម្ដងហើយ តែក្រុមកញ្ជ្រោងខៀវបដិសេធ។
បើតាមសារព័ត៌មានបារាំង Le Parisien បានឲ្យដឹងអម្បាញ់មិញថា Chelsea បានដេញថ្លៃ ២៩លានផោន ហើយក្លឹប Leicester បានព្រមលក់ហើយ។ ដូច្នេះ Kante នឹងក្លាយជាកីឡាករទីថ្មីទី២ ក្រោមការដឹកនាំរបស់អ្នកចាត់ការថ្មី Antonio Conte បន្ទាប់ពីការមកដល់របស់ខ្សែប្រយុទ្ធបែលហ្សិក Michy Batshuayi តម្លៃ៣៣លានផោន ពីក្លឹប Marseille កាលសប្ដាហ៍មុន៕
ប្រែសម្រួល៖ វិន ជីវ័ន្ត ប្រភព៖ TheSun
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
