Messi & CR7 កំពុងលំហែកាយនៅកោះ Ibiza ដូចគ្នា តែជិះទូកផ្សេងគ្នា
- 2016-07-14 20:36:51
- ចំនួនមតិ 0 | ចំនួនចែករំលែក 0
Messi & CR7 កំពុងលំហែកាយនៅកោះ Ibiza ដូចគ្នា តែជិះទូកផ្សេងគ្នា
ចន្លោះមិនឃើញ
តារាឆ្នើមបាល់ទាត់កំពូលទាំង២នាក់ Lionel Messi និង Cristiano Ronaldo ពេលនេះកំពុងលំហែកាយជាមួយគ្រួសារនៅកោះ Ibiza ដូចគ្នា ប៉ុន្តែជិះទូកផ្សេងគ្នា បន្ទាប់ពីពួកគេបញ្ចប់ភារកិច្ចលេងឲ្យក្រុមជម្រើសជាតិ។
Cristiano Ronaldo (ឆ្វេង) និង Lionel Messi នៅលើទូករៀងៗខ្លួន
Messi ដែលខកខានជួយអាហ្សង់ទីនលើកពាន Copa America 2016 ក្រោយចាញ់ឈីលីនៅវគ្គផ្ដាច់ព្រ័ត្រ បានធ្វើដំណើរទៅលំហែកាយជាមួយភរិយា Antonella Roccuzzo និងកូនប្រុសទាំង២នាក់ (Thiago និង Mateo) ប៉ុន្មានថ្ងៃមកហើយ។
រីឯ Ronaldo ដែលទើបឈ្នះពាន Euro 2016 ជាមួយក្រុមជម្រើសជាតិព័រទុយហ្គាល់ ទើបតែធ្វើដំណើរទៅកោះ Ibiza កាលពីថ្ងៃអង្គារ ជាមួយម្ដាយ Dolores Aveiro, កូនប្រុស Cristiano Ronaldo Jr. និងសាច់ញាតិមិត្តភ័ក្ដិមួយចំនួនទៀត។
ការលំហែកាយនៅលើកោះតែមួយជាមួយគ្នា របស់តារាឆ្នើមក្រុម FC Barcelona និង Real Madrid ទាំង២នាក់នេះ បានធ្វើឲ្យអ្នកថតរូបរបស់សារព័ត៌មានធំៗជាច្រើន កំពុងចាប់អារម្មណ៍ខ្លាំង ដោយគិតថា ពួកគេអាចនឹងមានឱកាសជួបគ្នា។ Messi និង Ronaldo នឹងត្រឡប់ទៅជួយក្រុមរបស់គេនៅអេស្ប៉ាញ សម្រាប់រដូវកាលថ្មី នៅចុងខែនេះ ឬដើមខែសីហា៕
១. Ronaldo លំហែកាយជាមួយគ្រួសារ៖
២. Messi លំហែកាយជាមួយគ្រួសារ៖
ប្រែសម្រួល៖ វិន ជីវ័ន្ត ប្រភព៖ TheSun | Dailymail