ទាហានចិនឈរធ្វើទំនប់ទប់ទឹកជំនន់ជាង៦ម៉ោង កុំឲ្យហូរលិចទីក្រុង
- 2016-07-16 13:05:24
- ចំនួនមតិ 0 | ចំនួនចែករំលែក 0
ទាហានចិនឈរធ្វើទំនប់ទប់ទឹកជំនន់ជាង៦ម៉ោង កុំឲ្យហូរលិចទីក្រុង
ចន្លោះមិនឃើញ
ទាហានចិនមួយក្រុម ត្រូវប្រជាជនដាក់ងារជាវីរបុរស ក្រោយប្រើខ្លួនឈរធ្វើទំនប់ទប់ទឹកជំនន់ ដែលកើនឡើងយ៉ាងគំហុក កុំឲ្យលិចទឹកទីក្រុង។
ប្រជាជនរាប់ពាន់នាក់រស់នៅទីក្រុង Jiujiang ខេត្ត Jiangxi ភាគអាគ្នេយ៍ប្រទេសចិន ស្ទើរតែត្រូវបង្ខំចិត្ត ចាកចេញពីផ្ទះសម្បែងទៅហើយ នៅពេលទំនប់កណ្ដាលទន្លេ Boyang ត្រូវបានទម្លាយ រួចទឹកបានហូរសំដៅរកទីក្រុង។
ក្រុមទាហានមានគ្នាសរុប ១៦នាក់ បានច្រកបាវខ្សាច់ ដើម្បីទប់ទល់ការមកដល់របស់ទឹកជំនន់ តែទប់មិនទាន់ទឹកបុកមកខ្លាំងពេក ពួកគេបានសម្រេចចិត្តឈរចាក់ស្រេះគ្នាពីមុខបាវខ្សាច់ត្រឹមទ្រូងរយៈពេលជាង ៦ម៉ោង ដើម្បីការពារផ្ទះអ្នកស្រុកមិនឲ្យជន់លិច។
កម្រិតទឹកទន្លេ Boyang បានកើនឡើងខ្លាំងស្ថិតនៅកម្រិតគ្រោះថ្នាក់នាប៉ុន្មានថ្ងៃនេះ ដោយសារធ្លាក់ភ្លៀងខ្លាំង។ បើគិតមកដល់ថ្ងៃទី១៥កក្កដានេះ ប្រជាជនចិនប្រមាណ ២៣៥នាក់ហើយបានស្លាប់បាត់បង់ជីវិត ដោយគ្រោះទឹកជំនន់៕
ប្រែសម្រួល៖ ឡេង ភារុណ ប្រភព៖ Dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
