កូនកតញ្ញូលួចមើលថែម្ដាយបង្កើតអស់ ៩ ឆ្នាំ មិនហ៊ានឲ្យប្រពន្ធដឹង
- 2016-07-17 19:01:10
- ចំនួនមតិ 0 | ចំនួនចែករំលែក 0
កូនកតញ្ញូលួចមើលថែម្ដាយបង្កើតអស់ ៩ ឆ្នាំ មិនហ៊ានឲ្យប្រពន្ធដឹង
ចន្លោះមិនឃើញ
បុរសជនជាតិចិនមួយរូបឈ្មោះ Liu Xiangli កំពុងទទួលបានការចាប់អារម្មណ៍ខ្លាំងពីបណ្ដាអ្នកលេងអ៊ីនធឺណិត បន្ទាប់ពីដឹងថាគាត់បានលួចមើលថែម្ដាយរបស់ខ្លួនដោយស្ងាត់ៗអស់រយៈពេល ៩ ឆ្នាំ ដោយមិនឲ្យប្រពន្ធដឹងឡើយ។
កាលពីឆ្នាំ ១៩៨៥ លោក Liu បានរៀបការជាមួយនារីម្នាក់ឈ្មោះ Zhao Zongcui ហើយបានក្លាយជាអ្នកស្នងមរតកទាំងអស់របស់គ្រួសារ Zhao រួមទាំងជាអ្នកទទួលខុសត្រូវដ៏ធំមួយក្នុងគ្រួសារ។ លោក Liu បានប្រឹងប្រែងធ្វើការរហូតដល់ឆ្នាំ ២០០៤ មានលទ្ធភាពទិញផ្ទះបានមួយខ្នង ដោយសង្ឃឹមថានឹងអាចយកម្ដាយរបស់ខ្លួនមកស្នាក់នៅជាមួយបាន ប៉ុន្តែត្រូវភរិយារបស់ខ្លួនជំទាស់។
ទីបំផុតនៅឆ្នាំ ២០០៧ អំឡុងបុណ្យចូលឆ្នាំចិន Liu ទទួលសម្រេចទៅទទួលម្ដាយរបស់ខ្លួនមកនៅជាមួយ ប៉ុន្តែម្ដាយរបស់ Liu និងប្រពន្ធហាក់ដូចជាមិនត្រូវគ្នាសោះ។ នៅក្នុងមួយសប្ដាហ៍ ជម្លោះរវាងម្ដាយក្មេក និង កូនប្រសារកាន់តែអាក្រក់ទៅ រហូតដល់ Zhao គំរាមសម្លាប់ខ្លួន ប្រសិនបើម្ដាយក្មេកមិនព្រមរើចេញឲ្យលឿនទេនោះ។
ដើម្បីរក្សាក្ដីសុខក្នុងគ្រួសារ Liu មិនបានសម្រេចចិត្តធ្វើជាកូនអកតញ្ញូដោយបញ្ជូនម្ដាយទៅស្រុកកំណើតវិញនោះទេ ផ្ទុយទៅវិញគាត់បានជួលផ្ទះនៅ ជិតៗផ្ទះរបស់ខ្លួន ឲ្យម្ដាយស្នាក់នៅ។ រយៈពេល ៩ ឆ្នាំគាត់បានលួចមើលថែម្ដាយ រហូតដល់ថ្ងៃមួយ ម្ដាយរបស់ខ្លួន និង ប្រពន្ធ បានជួបគ្នានៅឯផ្សារ។
Zhao ជាប្រពន្ធ រន្ធត់ចិត្ត និងខឹងជាខ្លាំងដែល ប្ដីរបស់នាង បានលាក់បាំងការពិតអស់រយៈពេលជិត ១០ ឆ្នាំ។ ត្បិតថាមិនសប្បាយចិត្តនឹងរឿងនេះក្ដីប៉ុន្តែចុងក្រោយ Zhao ឯកភាពថា ពួកគេទាំងពីរគួរតែមើលថែម្ដាយដែលមានវ័យចំណាស់៕
ប្រែសម្រួល៖ ហៃ សុខហេង ប្រភព៖ Shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
