ធ្វើពុតជាពិការដៃដើរសុំទានគេ ត្រូវគេចាប់បកអាក្រាតយ៉ាងអាម៉ាស
- 2016-07-18 18:35:30
- ចំនួនមតិ 0 | ចំនួនចែករំលែក 0
ធ្វើពុតជាពិការដៃដើរសុំទានគេ ត្រូវគេចាប់បកអាក្រាតយ៉ាងអាម៉ាស
ចន្លោះមិនឃើញ
កាលពីថ្ងៃព្រហស្បតិ៍ ទី១៤ ខែកក្កដា ឆ្នាំ២០១៦ កន្លងទៅនេះ បុរសពិការដៃទាំងគូម្នាក់ ត្រូវបានគេប្រទះឃើញកំពុងលត់ជង្គង់នៅលើដីសុំទានគេ នៅខាងក្រៅផ្សារមួយកន្លែង ក្នុងទីក្រុង Yiwu ខេត្ត Zhejiang ប្រទេសចិន។ អ្នកសុំទានម្នាក់នេះបានធ្វើឲ្យមានការសង្ស័យយ៉ាងខ្លាំង រហូតដល់សន្តិសុខម្នាក់សម្រេចចិត្តស៊ើបរកការពិត ដោយចាប់ដោះអាវអ្នកសុំទាននោះចេញតែម្ដង។ ជាក់ស្ដែង អ្វីដែលគួរឲ្យភ្ញាក់ផ្អើលគឺ អ្នកសុំទានរូបនោះមិនមែនជាជនពិការឡើយ ពោលគឺគាត់មានដៃទាំងគូយ៉ាងពេញលេញតែម្ដង។
ហេតុការណ៍នេះបានធ្វើឲ្យអ្នកនិយមប្រើប្រាស់អ៊ីនធឺណិតជាច្រើនមិនពេញចិត្ត និងធ្វើការបញ្ចេញមតិរិះគន់ ទៅលើអ្នកសុំទានរូបនោះថា៖
«ខ្ញុំគិតថាការអាណិតអាសូររបស់ខ្ញុំសម្រាប់មនុស្សទាំងនេះ ត្រូវបានរលាយបាត់បន្តិចម្ដងៗហើយ» «កាត់ដៃរបស់គាត់ចោលទៅ ដូច្នេះគាត់អាចសុំទានគេបានហើយ»
គួររំលឹកផងដែរថា កាលពីដើមខែកក្កដាកន្លងទៅនេះ ក៏មានហេតុការណ៍ស្រដៀងគ្នានេះកើតឡើងម្ដងរួចមកហើយ ដោយបុរសជាអ្នកសុំទានម្នាក់បានធ្វើពុតជាពិការជើង តែក្រោយមកត្រូវអ្នកដំណើរចាប់ស្រាតខោចេញទាំងកម្រោល ក៏ឃើញជើងរបស់បុរសនោះ នៅទាំងគូតែម្ដង៕
ប្រែសម្រួល ៖ សេង ឡុង ប្រភព ៖ shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
