តារាកំពូលសិចស៊ី ចង់ក្លាយជាអាជ្ញាកណ្ដាលនៅ EPL
- 2016-07-19 13:07:41
- ចំនួនមតិ 0 | ចំនួនចែករំលែក 0
តារាកំពូលសិចស៊ី ចង់ក្លាយជាអាជ្ញាកណ្ដាលនៅ EPL
ចន្លោះមិនឃើញ
Amy Christophers អតីតតារាម៉ូដែលប៊ីគីនី បានបោះបង់អាជីពរបស់ខ្លួន ដើម្បីចង់សម្រេចក្ដីស្រមៃចង់ក្លាយជាអាជ្ញាកណ្ដាលនៅលីគកំពូលអង់គ្លេស Premier League។
Amy Christophers អតីតតារាម៉ូដែលប៊ីគីនី
នារីសិចស៊ីសញ្ជាតិអង់គ្លេសរូបនេះ បានក្លាយជាអាជ្ញាកណ្ដាល FA នៅលីគកម្រិតក្រោម កាលពីដើមឆ្នាំ២០១៦នេះ ប៉ុន្តែនាងចង់ក្លាយជាអាជ្ញាកណ្ដាលនៅកម្រិតកំពូល ក្នុងក្របខ័ណ្ឌ Premier League នៅថ្ងៃណាមួយ។
“ខ្ញុំតែងតែស្រលាញ់បាល់ទាត់ និងគិតចង់ក្លាយជាអាជ្ញាកណ្ដាល។ មិនមានស្រីៗច្រើនទេ ធ្វើជាអាជ្ញាកណ្ដាល ហើយវាពិតជាអស្ចារ្យ បើស្រីៗអាចធ្វើវាបានល្អ។ នេះមិនមែនត្រឹមតែចំណង់ចំណូលចិត្តទេ ប៉ុន្តែវាជាការស្រលាញ់ខ្លាំង។ ខ្ញុំស្រលាញ់ការងារនេះណាស់ ហើយខ្ញុំកំពុងតែធ្វើឲ្យបានល្អ ពីមួយប្រកួតទៅមួយប្រកួត។ Premier League ជាក្ដីសុបិនមួយសម្រាប់ខ្ញុំ”។ Amy បានលើកឡើង។
Amy ដែលកើតនៅតំបន់ Cornwall ចក្រភពអង់គ្លេស ធ្លាប់ធ្វើជាតារាបង្ហាញម៉ូដថតស្លៀកឈុតប៊ីគីនីឲ្យទស្សនាវដ្ដី Nuts, Zoo និង Loaded មុននឹងនាងឈប់ ទៅធ្វើជាអាជ្ញាកណ្ដាលបាល់ទាត់វិញ៕
ប្រែសម្រួល៖ វិន ជីវ័ន្ត ប្រភព៖ TheSun